lundi 25 août 2008

أوصاف الخيل وتاريخها

أوصاف الخيل وتاريخها

اذكرت وقت السرت فوق جـــوادي وقاصد المهر في الجبل من غـــادي
**************
اذكرت خيلي والخلاء وامهاجــــــه ونور بقص من تاريخ زين ابلاجــه
**************
اذكــرت ماضـــي وطهـــــــــــره في وقت فوحني الربيع وزهــــره
سرجت الأزرق قاصدين المهـــــره عاشق خيولي وريحتي وامجـادي
وكل حد ياخذ ماكتبله زهـــــــره ايعديه كانه قبــل والا أحيـــــادي
ودربز حصاني مالقلق والقهـــره ومن رتعته ملص حبال عقــــادي
وفي وقفته مسروج عنده وهـــره كالصيد منه ترتعد الأعـــــــــادي
ومعروف وسط الناس عنده شهــره اليابـــان منه يبغضوا حسّـــــــادي
برقت الفضه عالحواشي ظهــــره وركــاب بانت لمعته وقـــــــــادي
يشبه سحاب الليل داير بهـــــــــــره كالبرق ولعج قص ليل ســــوادي
وما يدفع السوام غالي مهــــــــره جاني هدية صاحبي حمـــــــــادي
قعد ورثتي في زمن عاصي دهــره ولا ورثت ما انبيعش احبس اجدادي
وجا دور صنقر في علاوي الظهره كيفي عجول ايحب عالمسقــــــاوي
ورقدت حشود الناس بعد السهــــره ونصر العويني سهرته سهـــــــادي
ويبقى مسير الليل عاقب شهـــــره حتى القمر غيـب هبط اقصـــــادي
شاعر وفارس لادفق بنهـــــــــره الواد طف كشكوشه طلع زبـــادي
الحثوال تحــت الصم نحه جهره يجــرف الكــل ودفتــره لمـــــادي
ومن عصر فينا غم كاثر عهـــره غلبــت الكرفه مندره حصـــــادي
ولا عرفت في خطه جنوب وظهره لا غرب ولا امشرق مكان ارصادي
وعل نجم ليلي سهيل والا الزهراء سارت خيولي امسربه سقــــــادي
*************

اذكرت وقت السرت فوق جوادي وقاصد المهره في الجبل من غادي
*************
اذكرت خليلي والخلاء وامهاجــه ونور بقص من تاريخ زين ابلاحه
*************
اذكــــرت درزت خيلـــــــــــــــي في الحامه شعلتها قناديلــــــــــــي
وما اسمروا السمار ساهر ليلـــي جلح بان وجه الحلم كيف عجاجه
وبان قدها مرجاح لون كحيلـــي أســود كحايل يا كحيــل اغناجــــه
وبان قدها مصبـــوط في تقبيلــي كالبارجــه فوق البحر وامواجــــه
وتلحفــت وسوادها يحكيلــــــــــي خطين زانوا الثــوب مالنساجـــــه
وطبــت الذكرى بهمسها اتناديلي وعينـي على خط الفضاء لواجـــه
ويا لندرا ريح القدر ناويلـــــــــي عــلاش عقب النـّوم تا تتفاجــــى
وسرحت أحلامي وخلبصت تخبيلي وسابت دموعي فايضه قجاجـــــه
وكففتها فاضت على منديلــــــــي قاعــد انكفف دمعتــي الهياجــــــه
وقاعد انحوم عالمسيــر دليلـــــي وسعدى بقت في رتعتي لجاجـــــه
وقعدت اتنادي بسرجها توميلـــي اركــب وخش المعركه الوهاجـــه
وقعدت سروج الحامه تبكيلــــــي تبغي عليها يركبوا الفحاجــــــــــه
وقعــدت أرباض الحامه اتناديلـي وامياهها وقلوبهــا هداجــــــــــــــه
وقعــدت أمياه الحامه اتدفيلــــــي وتنزع علي البــر مالثلاجـــــــــــه
وقعــدت أذكار الحامه اتغنيلـــــــي مفطوم واتغني علــي رباجـــــــه
وقعدت وجوه اولادها اتناغيلــــــي بعروشها في قصايدي تتراجـــــى
جماعي وغريبي وعدوني وشعيلي وخرجة خريج عالوطنا قاجــــــي
ولحقوا لخمسه في نهــار شهيلــــي بموعــد وملك الموت فيهم راجى
وطـــق المنحس كح في جراويلي ثعالــب ولحقوا صيد وقت اهياجه
وطاحوا الخمسه والزمن يرويلي يحكي الزمان ويشهدوا الفراجــــه
قعد واقف التمثال وايراعيلــــــــي ويروي علـــي سيرته ومنهجـــــه
وماهو حكالك قبل ما يحكيلــــــي بصوته وصوت المكحله الرجاجه
وماو.. قال تبع طريق سبيلـــــي بالسيف ترقى للعلي وابرجــــــــه
وماو.. قالك امشي على تنقيلـــي احني سورنا سيوف الضوت رهاجه
وماو.. السحاب ايقولك ونيلـــــي من قبــل ما ينفخ الرّيح اوداجــــه
ومالغرب ينفخ ريح ما ايخليلــــي بارد وما يعطيش سوم انتاجـــــــه
وهالبرد قاسي واعرضه بشهيلي ولاقيه في لحظات واحرق تاجـــه
اذا الروم يغزو مرتع مخاويلــــي في الحين زارب تعرضه صنهاجه
*************
اذكرت خيلي والخلاء ومهاجـــــه ونور بقص من تاريخ زين ابلاجه
*************
اذكرت وقت السرت فوق جوادي وقاصد المهره في الجبل من غادي
*************
..اذا الغازيـــة تتجـــــــــــــــــــرأ توقــف خيولي وعقدها يتـــــورى
ولا اركب فارسها زحف بكــــره رســم سوقهــا ما بين جاي وغادي
وتلقــى غبابرها جحيم بحــــــــره مقبــاس تشعــل نارها صهــــادي
وغمغــم غلق الجو فــرد مــــره غلــق نهاره والجعب جلعــــــاوي
ولا غبرت ما بين كــره وفـــــره وغامــت غمامتها نهــار جهــادي
ولاوصفت وصف الخيل عندي سره (العربي وعزه خيل ليــه اتنـادي)*
نســوم عرقها عطــر مطـر القره وفي عرسها فايح قمــاري ودادي
وفي ركوبهــا صنديد ربّـــى ذره عوادي على طول الزمان عوادي
وفي سوقها يقصر حديث الـوره دلج كلمته البارود ناض الصادي
وجرحي على الذكرى صبغ اصوره في الذاكره محدور هابــــط وادي
اذكرت والذكرى مدامع حــــــرى أني وصاحبي عالخيل بين ابــادي
وغدار عثرها الحفــر احفــــــــره وميشافــها وسطــه حفــر بوجادي
التو طعمها بحلقي عضيــدة مـره اتزيد المراره اليا شمت حســـادي
واك واك هايا مهرتــي يا غــــره طايــح سبيبك هــاف عالأنهــادي
عيب البكاري يركبوها اعيـــــره ولفحــول قعدت في المسير ادادي
شهد طفل مالواد الطويل امقرى قاري قصايد لا حصــي عــــدادي
وهــو فحــل مالواد الطّــويل وبره ايحبه قصيــدي ويعشقــه ميعـــادي
وسمعــت بخيلي سايحه مـن بره جــت اتفرج عالعجــب ملهــــادي
هي ماريا ما شرق بنــت اقـوره تعشــق الفــارس والفرس والـحادي
وكيف صورتني وصورتي تتغرى بانت ملامح وجعتي في اسهــادي
وتقوى المحايــن منجلــي في جره أوحل وحلتي واحترت بين أضوادي
ايغم عصر تتحكم خيوطــــه وزره كيفــاش يتربـّو عليــه أحفــــــــادي
غم عصر فيــه الي عقــب تهــرى والي سبـق حاز المنع من غــــــادي
لزم واكبه باش اتفــادى شـــــــره أني امواكبه بالرّغم عشت فرادي
أني طير وقـت السكرولــه الغــره دورتهــا الخطــه وبــرز عنــــادي
.. سرحت في شعري وتلفت الجره منهــم منع قاصــد طلــب روادي
وعل خط الأنترنات شعري توري صغــت القصيــده بموقع الردادي
وعالخيــل نتمنــى القصيــده حره ونجبد ذخيرة مخزنـــــي وزوادي
*************
اذكرت وقت السرت فوق جوادي وقاصد المهره في الجبل من غادي
*************
اذكرت خيلي والخلاء واهاجــــه ونو بقص من تاريخ زين ابلاجــه
*************
... نجبد كــلام الفاظـــــــــــــــــي منظــوم مافيــشي الكلام الفاضـي
مبــرود حـد السيف باتر ماضـي بتار قاصــف ضربته حواجــــــــه
لامع لمع ولمعتــه وماضـــــــــي مولاه فارس قــوم مالسراجـــــــه
عليه الزّمن حاكــي وشهد الماضي امنين كان يزدم والعدو يتفاجــــى
منين كان المنحــس مثيل القاضي يحكم وحكمه مارجي اللجاجــــــه
منين كان بالسّرعه حسم وقاضي يعجل وما يبطاش وقت الحاجـــه
امنين كان لا يدوس العدو وأحواضي لهيب نارنا بوجه العدو سراجــه
امنين كان ما ايطب الغشيم حياضي دونــه مناقــع دم للهماجـــــــــــــــه
امنين كان جدك لا ركب ركاضي عــزف ريح وتلقاه بيـن امهاجـــه
قعد ذكر وسط الحلم بين الحاضي حكالـي الراوي في ظلام دياجـــه
حكالي كبير النجــع بينــا حاضي سالــس كلامه حلو للروّاجـــــــــه
وعالخيل لا طولت في مركاضـي بغيــت سرد للتـّاريخ بين ادراجه
والخيــل تاريخ وعليه حفاظـــــي انحافــظ عليه ونكتبــو دباجـــــــه
زينات تبقى فخــر زان اعراضي بيهــا شرفنا ونلبســوا الديبـــــاجه
وبيها زمن ماضي وصلت اغراضي وبيهــا نفعنا الحايــره التتــــلاجى
وبيهــا العرب في فزعة النهاضي تنهض وطيف الثــار فيهم ناجـى
اليوم باكيه خيلي وطال غياضــي وليــام بينــا عاكســه عواجـــــــــه
ونرتب قصيدي ويحفظو حفاظي عــلاش يبقى درس لليحتاجـــــــه
وعالخيل رتبت القصيد وراضـي باحســاس تعبيري على مخلاجــه

نصر بن حامد العويني

* - العربي وعزه ساس الخيل: (قصيد سابق لنصر العويني وامحمد الوحيشي) 1989










البشـــــــــــرى

البشـــــــــــرى *

ريحـي وريــح منازلي وماضــي ما نــــــيه

ذكراه اتعيشلن لا المكتوب انطاعلي غادي لامنــــــا

ريحي وريح منازلي وبشير ببابـــي بشرني ببشايره في يوم جمعنـــــــــا
وضوّى نوره بان فرحني باحبابـــــي وعدل لي البوصلة بين مرابـــــعنــا
بهمسة درج كلمته قوله رتابــــــــي محلى رنة لغوته بتخريج المعــــنى
وقال تفضل خش هيا خوذ شرابــي بلسم داوى أجراحنا وخف اماجعنا
ودخلت على جرته ليقابل محرابـي ايشع بنور الله في داخل جامعـــــنا
سلامات سلامات يا غيث الصبابي سلامات سلامات يا راويها ترعـنا
وصبت عبت فايضة وروت روابي ونشع لونه أخضار شرهنا ومتعـنا
وبين شبوب الخير ودموعي السكابي نلقى براكه فايضه وللخير رجعــنا
القيت روا يح ند في اجيابي واجنابي وعنبر يغشي ريحته ايعطرطايعـنا
لكن زاير مطراحنا طبعي رحابــي أهلا ومرحبتين يا داخل موضعــنا
ومن عادانا انقولك راه طبطابــــي اشكون ايفك عقايله كانه وجعـــــنا
ومن عاكس مشوارنا ودنس غيابي عليه الرجم سواخطي وعليه اللعنة
ومن جانا في خطوطنا وفي خط أصحابي وليه بشاير كيفنا ويدخل مجمعــــــنا
ويدخل بيك الدايرة وانحل كتابـــي بسم الله مفتاحنا للدرس تبعــــــــــــنا
ووسيط ارحاب الدين رواي حلابى وبين زوايا الزاويه بخوره ضوعــنـا
وفي حضرة الأشياخ زارب حزت منابي وحصلت المرغوب وهاهو الشيخ سمعنا
وكيف دخل أستاذنا الشيخ الدبابـــي نطق اللغة ثابته حيني طاوعــــــــــنا
وقتله هذا سلامنا مشهور خطابــي وجينا وقت الصايبه كيف اتفزعـــــنا
وحاسبني في أخطاي تلقى عد حسابي مدروس ومضبوط لا طرحنا وجمعنا
وسامحني ردية عالمن ثار أعصابي باطل باش اتفيدنا والا تنفعـــــــــــــنا
ولاش كلامك لاش ولسانك هبهابي وكلامك مدهون وفي ظنك تخدعــــنا
نعرف عندك زيف ليك المسرب غابي ومن داخل م شلول ومتوجع مالطعنه
اطمن هان ي انقولك لا امضي نابـي ولاني برزت مخالبي ولانا فجعــــنا
وجيتك باش انصافحك من بعد غيابي وكان عرضت بجفوتك بالله ودعــــنا
وانت التفهم كلمتي وشرحي واعرابي وكل أسباب أشجارنا وكل دوافعـــــنا
ونرجع للموضوع ندخل راس ركابي انعود لراس القافية أول مطلعـــــــــنا
ريحي وريح منازلي لا فاح اصخابي وريح الـــي زارنا...
اليـــــكرفها تيولك محــلى هالصـــــنة...
اليكرفها تي قولك سبحان المولى امنين جبتوا هالريحه عندك ما اطيبها
الي خدمها بخلوطها نضحت معدولـــــــــــــــه كل وقية قدها عنده حاحسبــــــــها..
زعم مالسودان مهدية مرســــولـــــه.. بين مسك وسوسان خلطها جربـــها..
والا بمكه الضاويه بليله مفضولــــه نازل فيها كتاب فات جميع كتبــــها...
صبغها الله بريحة الحبوب رسولـــه وعبر ريح اصنافها وعطرهالبــــها..
ولموها سناكها مجمـــــــــــــــولــــه واعطوها التباعهم منه راغبــــــــها..
ومنهم كان أستاذنا العنده بصكولـــه يعطي بالميزان كل وزنة رتبـــــــها..
اتقولوا نصر دخل في ظلمه مجهولي تركن فيها ليلها وزاد امضببــــــــها
اتقولوا خش غيوم هربت بيه الغوله ورفعاته الأوهام وغبايش مسربـــها
وسكرتله منقالته صارت مزطولــه وما اتفرش كيفاش دوران عقاربـــها
وتذو مل الآذهان في تكبيل غزوله وفي الدغراقه الغارقه اتضيع مسربها
انقولك لا لا قصتي هكه مجعولـــه تسرح بيك الغازها ولاهي تحجــبــها..
الينوي ايخش اقدالها يمشي بسهوله ايسمّل بسم الله وقت الي ايعتبـــــــها..
ايحيّيه البواب في لحظات وصولــه وايحيّي الحجاب كل غرفه بحاجبــها
راه داخل مملكه مرهوبه دولـــــــه رعابه غطاريف لا واحد يقربـــــــها
ويالي جايب عسكره وقوات اسطوله مسكين ومسكين من ناوي يضربــــها
مغرور وغلطان ويله ما أكبر هوله خش اللبه والدة وناوي يحلبــــــــــــها
وهي احذاها صيدها اسيوفه مســـــــــــــــــلوله.. وذرعيه سواخيط مزاقه مخالبها
حيني ير جع طول ماعنده ما ايقوله خايب ظنه خاب وافعاله ما اخيبــــــها..
اخيار الشعر انقولك همه ورجولـــه وصدق عواطف فايضه للي كاسبــــها
اخيار الشعر انقولك لفظه معسولـــه.. ممزوجه باحساسها اتهزي طاربــــــها
اخيار الشعر انقولك في عرضه وطوله.. ايكون بلسم الأوجاع لمراض أي طببها
اخيار الشعر انقولك شمعة مشعولـــــه- تضوي ملك الليل من بدو مغاربــــــــها
تضوي النجمة اتدل الافكار المغسوله الضاعت في متاهات لا انعد مشاربـــها
ومن شعري يا صاحبي حصلت العوله خزين حكم دهور منسوبه لعربــــــــــها
والخاطي الميشاف يوم الهيد خيولـــــه الموش فارس لا ايقودها ولا هو يركبـها
غير الدنيا العاكسه خصايه فحولــــــــه ورقاية خصيان ما نعرفش نسيـــــــــــها
اوباقي القصة امتاعنا اتفسر مدلـــــــــــــــــله الشعر وكل مسالكه اتخش مضاربــها
ومن ماضي روافدي قويه يا لـــــــولا لولا ما اتــــــــــــــــــبدلـــــــــــــــــــــــنا..
ولولا هدم أسوارنا وتهــميش عملنــا...
لولا هدم أسوارنا وتخريب وكــــرنا وبتران مقاصيدنا في كل ثنيـــــــــــــــــة
ولولا افتان نجوعنا وكثرتنا حرنــــا وفي تلويث أفكارنا وفساد النــــــــــــــية
وفي تهميش أبصارنا وتقصير نظرنا اندهبت حتى اشوارنا وسط العـــــــــــمه
وضاعت منا دروبنا وليل امحاصرنا وسرنا بين دوامسه بشمعه مطفـــــــــــيه
وما بين دغاريقها رانا تكوخــــــــرنا صار مسلك مفقود وثنايا وهمـــــــــــــيه
اطمنا بآمان وأملت ايذخــــــــــــــرنا وذخاير عولات في الزمه المعشـــــية
وحسبنا هالحيط يحمينا في اقررنـــا لن جتنا في مغاغره ثعبان وحيـــــــــه
ذقنا خدعة جارنا والي جاورنــــــــا اسمم حتى كلامنا بلغه سوقيـــــــــــــة
تلوث طعمة قوتنا بناتل نادرنـــــــــا جت اللقمه فاعشه مخصوصه نيـــــــة
وعوض نضوح زيوتنا شربنا مالقرنه امدردر بالمرجين في عقاب الشامـــية
وتنقولك ياصاحبي ربي ايصــــبرنا ضعنا وضاع امامنا صلاته ملغيـــــــه
وماهو كان ايمامنا بذكر ايذكرنــــــا بواجب كنا ليه رغابه للديـــــــــــــــــه...
وكان معاه خشوعنا اتذل كواســــرنا وايروض في وحوشنا وسط البريــــــه
ووقت الغاب وراح في لحظه وخزنا وصدينا عالخير ضاعت كل هـــــويــه
وتباكوا نساكنا بين حواضرنــــــــــا جوعهم عربيد في ليله شتــــــــــــويـــه
وقلقهم ملقوط من نسل مواخـــــــرنا والد في ماخور وامه هي بغـــــــــــيـــا
آه كنا وكان ساس العلم شهــــــــــرنا وبركلت من الله وخطاوي قدســـيـــــــة
وكان الغيث ايصب في مدنا وادشرنا وكان خصيب زروعنا ترعه مـــــرويه
وكانت بركه صافيه وفرحه تغمرنـــا وحتى أيام أفراحنا لياليها هنـــــــــــــية
وانقلبت الأرياح لا يوم استنـــــــفرنا ولا اقسمنا المقسوم بين البين رزيــــــه
صار الشعر قبيح في لحظات سهرنا وهذا ينفخ فخ كاللفعه الملويــــــــــــــــه
وهذا دربز خطوته وقال تبخـــــترنا وهذا يفخر قالك وحدي في الجيـــــــــــه
وهذا يفخر قال هانا هانا هـــــــدرنا وقال عندي صواريخ وقنابل ذريــــــــة
اترواه وينه الصاروخ الي يضرب غادرنا امنين طب الطيار عالبرج السدريــــــــة
ومهازل يا ناس فوق الي تصــورنا بزخاريف الزيف داروها ســــــــــهريـه
وتعرف بالتزميرقداش زمامــــــرنا وقالو أنغام الجد وغناوي شعبـــــــــــيــه
وتعرف بين ديارنا اكبار بنادرهــا لاهم مالفقراء لا ارجال الصوفيــــــــــه
ووين ايدور الريح ايقولولك دورنا ايميحوا مع الأرياح شرقية وغربيـــــــه..
وكل حوه في لون تبديل مناظرهــا وحسب الآلة يعزفوا بنغمه فنيـــــــــــــة
ومن جلد اتلحرباءتبيضنا واخضرنا حسب ألوان العود دفله وترنجيــــــــــــة
وآ ش كثرت الألوان يا ربي تسترنا زخرف بان خلوط عاللون الزربيــــــــه
وحالي وحالك حال مازال ايكدرنــا هكه اتصيرمنازلي وانروح ضحيــــــــه
وحاير غير أستاذنا طل وبشـــــرنا عطانا بعض أقلام مساحة الأميــــــــــــة
وأعطانا شمعات في الليل اتسيـــرنا وقال امشوا في الريح ودوامس مغشيــــه
وعواصف ورعود عله غيث حجرنا ساخط يحيي المات بين ديار خليـــــــــــه
اتنوض الرمه اتصافح سمانا وقمرنا واتعاود تاريخ ليه خطوط قويـــــــــــــــة..
ايطول الليل ايطول واتهيج مشاعرنا وباقي ايطول السير واتطول المرثيـــــــه
وعلاشي الأطيار عقب عويق هررنا تتغــــــــــــنى بالــــــــــــــــــــرنــــــــــه...
رغم نعيق البوم في تراكن منزلنا... وريحي
رغم نعيق البوم في جويه ومدينة نتعوذ بالله من كل الـــــــــــمنكـــــــــــوره...
ورغم طيور الليل ومناظرهم شينــه لا فار ولا طير ما افهمتش هالصـــــوره
لازم طير البازباش اتقابل عينـــــــه وايصلافق جنحيه عاراس الطنـــــــقوره
هاهو الطير الحرفي غبنه وغبيـــنه ولغراب الملعون متنعم بســــــــــروره ../..
..ايعيش الليث حقير في حالات حزينة والثعلب في خير بين أرياش قصـــــوره
ولونبكوا بأوجاع لا حد ايواسيـــنــا ولو فيدي قنديل حيني يطفوا نـــــــــــوره
تحملنا ومازال ما ندروا لياتينـــــــا وصابرين على حال والدمعة مقطــــوره
شوف الدهر ايبيعنا والا يشريــــــنا وشوف أفلاك الله وآش تعمل في الدورة
وشوف الكتيه حجمها ياما يرويــــنا والا ايزيد ملوحها من وسط بحـــــــوره
يا ما صبرنا كم عدينا وعدينــــــــــا وزرعنا في اسباخ لكن هاهي بــــــــوره
غسلنا ذيول كلاب ما نحوا النتيــــنه وقلنا هوذا اينعوا غريق البحبـــــــــــوره
وظنينا هالحوت متخبي في درينــــة طلع نقيق جران في قعر القجـــــــــــوره
وظنينا هالفارس بوهره يحميــــــــنا طلع راكب مقلوب عالجحشه مدبــــــوره
وظنينا هالرايس الي ايقود سفينــــــه ايمنعنا في النو لاكن تلف شـــــــــــــوره
وسامحنا يا شيخ اليا اجهلنا قرينـــــا راني ضايع ليل في مدينة مخمــــــــورة
راني طير شريدوانحوم في جنيــــنه لمسها لون ربيع زينها بخضــــــــــوره
وانحوم عالزاويه فيها تركينــــــــــه وعزله عالمخلوق كاثر فيه شــــــــروره
وانحوم عالأم في السنوان حنينـــــه وعواطف وأوناس في الليله المغتـــــوره
وانحوم في صديق لا فيه التخوينه لا هوشي خوان لا يخوي عالـــــــــدوره
وانحوم في جار وناس جوارينـــــه حصين الدار أمين وأفعاله مشهــــــــوره
نطق الشيخ بقول في كلمات رزينه قال امشي لا اتخاف خطك بين شـــــوره
وتوانزورك يوم في موعد لاقينــــا بسلامه عالخير ودعني بعطــــــــــــوره
عاطر ريحه وريحتي بورده وياسمينه ريحـــــة بـــــــــاب الجـــــنـــــــــــــــه..
اللهـــــم يا خالقــــــي ليــــــها اتدخلـــــنا..
ريحــي وريح منازلي وماضــي ما بـــــنه..

شــــعـــر: نصر بنحامــد العويني



النــــصــــريــات


النــــصــــريــات (الديوان الخامس)
تقديم - واد القـــــــــــــــــــــــصــــــــــــيـــــــــــــــــــــــــــــــــــــــــدة:./.
بسم الله الرحمان ا لرحيم
تــــــقـــــديـــــــم:
.. النصريات هو اسم الديوان الخامس في ترتيب دواويني الشعرية فقد سبقته أربعة دواوين هم على النحو التالي : دقلة وحليب.. نجمة السبل.. غنائيات الفجري الأخضر.. عسل وبلاغم.. ونتساءل لماذا النصريات؟ الجواب هو كل شيء ينتمي إلى نصر بنحامد العويني.. أي نصرياته.. هذا هو المعنى الصحيح لعنوان هذا الديوان.. لا يمكن أن أقارن نفسي بالغير ولكن لي الحق أن أنتمي إلى الأسرة الشعرية عبر الزمن.. لأن مثلا نجد أمير الشعراء الأستاذ أحمد شوقي أطلق على إحدى مؤلفاته الشوقيات.
فلماذا ل يسمي نصر أحد دواوينه "النصريات".
هذا الديوان الشعري كله أو جله بالشعر الشعبي أو ما اتفق على تسميته بالشعر الملحون بالعامية ملون في عدة أغراض شعرية.. عبر هذا الديوان تجد الحب الصادق. تجد الآهات.. والزخرات. تجد البسمة.. تجد ما كنت تنتظر وتأمل أن تجد.. تلتقي مع الثقافة البدوية مشحونة بوجه التاريخ وروح العصر.. مزيج بين الآني والماضي والقادم.
تجد الإحساس بثقل المأساة تدمي قلب صاحبها.. تجد الغزل كما يمارسه من سبق.. تجد الفتاة البدوية تروي عشقها للأهل والعشيرة بصمت وتجد.. تجدها تحاكي النجوم.. تجد العربي الأصيل يركب ناقته ويجوب متاهات الزمن..
تجد البدوي بثقافته القبلية العربية عنصرا فاعلا في هذا العصر يقرأ التراجم ويعدل أزرار الكمبيوتر.. يقرأ في المستورد ما قيل عنه وضده..
تجده يفكر في الدفاع عن نفسه وعن عشيرته وعن الهوية.. تجد الراعي بطل التاريخ وصانع الأمجاد ومضي الدياجير.. يصرخ في النيام ويرعى المجد والوطن بعين ساهرة.. تجد النخلة باسقة تعطي ثمرها وتعلن تحديها للعواصف بشموخها وكبريائها وتحاكي الشم س الحارقة.
.. وقيض الصحراء.. وتعطي شيئا حلو المذاق هو أجود أنواع الثمار على الإطلاق.. هو التمر.. ومن حرارة هجير صيف الصحراء وعنفه نبعث المحبة وبها حرارة العواطف الإنسانية.. نبع النبل والكرم والشجاعة.. ومن منطقة الخيام.. بعث أشرف الأنبياء وأعظمهم.. من رمال الصحراء وجدت أخطر أنواع الزواحف.. وأشد أنواع السموم.. وجد أوسع بساط حيث الحرية تولد كل لحظة.. وجد ونبع من الصحراء أصعب الفنون وأجملها "الشعر"
ومن ليل الصحراء وهيبته ولدت الفلسفة الروحية.. والفطرة الحقيقية .. ونبعت منها أي الصحراء أروع ملاحم الحب.. ترى عنترة وعبلة وجميل وبثينة.. ووضاح وروضة.. وقيس وليلى ..
نقول هذا ونعلن أننا لا نقصه الغرور وانما نعتز ونفخر بالانتماء إلى الصحراء العربية.. ونرد بعنف على كل من يسخر من البدو.. وكل من يتهكم على الصحراء ترد عليه بعاصفة رملية مصحوبة بوهج عنيف لتذكره أننا الأقوياء لتعلن له جانبها الطيب أي أنها المسؤولة عن الدفاع عنه وعن حضارته.. أثبت التاريخ أن الخيمة البدوية دافعت عن القصر وأن القصر سخر من الخيمة.. رغم أن الخيمة باستطاعتها دك أسوار القصر بسهولة.. والقصر لا يمكن له حتى الالتحاق بخيمة دخلت غياهب الصحراء لأن أهل الجدران لا طاقة لهم بدخول الوغى.
أثبته التاريخ أيضا أن الخيام هي روض للملائكة وأن القصور مرح للشياطين والتجارب تعالى إلى خيمة في بادية عربية ستجد كرم الضيافة والقبول والحسن.. واذهب إلى أحد القصور ففي أحسن الحالات سيطردك الحارس ويهجرك.. عفوا أعرف أن الاستثناء موجود فقد يوجد في المدن نوع من الطيبين .. لا أنكر هذا.. لا تخلو أرض من الخير والنبل ولكن أحكي على واقع موجود بكثرة..
هذا نصر بنحامد العويني شاعر شعبي يغني للحب والوطن والانتماء .. نصر المخلوق المعذب الحالم بالفجر دائما.. وبعالم أجمل لا مجال فيه للذئاب والبوم.. قد لا يجده.. ولكن ينشده .. ويحلم به.. ألا يحق لمثلي أن ..
.. يحلم ويرسم ويغني؟ نصر يحلم بتغريد الطيور بلا رقابه ولا تنظير ولا كلفة الشعر الشعبي صرخة من نصر في هذه الضوضاء.. نداء متجدد في هذه الفوضى.. الشعر تستطيع تهميشه ولن تستطيع قتله.. هو صراخ يتجدد ويواصل التعنت وان رفض هذا البعض فهو الهاجس النقي المطالب بالواجد والحضور.. صحيح أن الفنون الدخيلة سلطت علينا رغم عدم القبول والتجارب معها وان بدت للبعض مقبولة فان الواقع عكس ذلك "فالشعوب لا تنسجم إلا مع فنونها وتراثها".. فكم حاول الخفافش الصغار كما يقول أستاذنا العظيم وشاعرنا الميداني بن صالح حاولوا التقليد وتغيير هندامهم اللفظي والخارجي فانهم فشلوا.. وحاول الشمال المتوسطي غرس نخلة الدقلة في أرضه فلم تنتج المذاق المأمول.. وبقيت ديكورا يزين شوارع مدن الغرب .. حاول تدجين الغزال داخل المحميات فقطع الأسلاك وفر.. وحاول تربية الإبل في ثلوج المنطقة الاسكندنا فيه فهرب إلى الجنوب..
صرحت ا لشمس عبر ا لزمن أنها جنوبية.. ولن تشرق من ا لغرب أبدا..
سألوا الله لماذا؟ لم تكن مواقع الآلهة بالشمال فأجاب أنهم قد يفسدوها أو يغتالونها.. وأمر أن تكون مواقع الخشوع والعبادة في الجنوب.. ذاك هو موقعها.. وموطنها الحقيقي فقد أنزل الله المسيحية في أرض كنعان بالقدس.. وأنزل الإسلام في بادية نجد والحجاز.. وحتى البوذية رغم أنها ديانة وضعية.. فإنها كانت بمناطق الجنس الأصفر.. واليهودية.أيضا كانت تستحم في مياه النيل وتنام في أرض كنعان.. رفض التاريخ أن يكون لونه ثلجيا وبعيدا عن الشمس والقمر.. ورفضت الشمس أن تبزغ من الغرب وان بزغت فهي ملونة بلون الجريمة والخطر..
نصر العويني لم يدرس الفلسفة بالجامعات ولا يعشق الأنماط الفلسفية. يريد أن يكون الربيع وسط بساط مفتوح لا داخل حدائق دجنت زهورها حسب رغبة وارادة البعض.. نصر ولد ونشأ حسب طقوس الطبيعة هائجة في الصيف كئيبة في الخريف بآلية شتاءا ضاحكة ربيعا..
..إلى كل من قرأ هذا الديوان أقول : اقرأ بلا تكلف لا تحاول تهويل الأمور وتصعيبها.. اقرأ بلهجتك الدارجة وكأنك تحادث جليسا عاديا.. اقرأ وأنت تضحك لتنهم أكثر.. اقرأ واد القصيد والراعي. والفيضانات.و.و.غيرهم ترى نفسك كما هي الشارع في وضع النهار.. تلمس واقعك وأحاسيسك بلا قناع ولا مكياج.
وترى وجوه الناس بلا زينة ولا تزويق.. ترى الليل بنجومه وكواكبه وهيبته.. ترى النخل شامخا يتحدى.. ترى نصر عاشقا أخضر غجريا أخضر يكتب بلون الربيع.. وفيا للشمس عاشقا لها.. ترى نصر وجه من وجوه السهر ومن يناجون القمر وطيف الحبيبة.. لا يوجد غموض ولكن توجد الرمزية وإيحاء.. تجد غزل الأنثى وتعنتها وتمنعها وعفتها وهيجانها الداخلي وثورتها المكبوتة والصارخة في صمت..
تجد نصر طائرا يحلق بك في عالم الأحاسيس والمشاعر. نعم أرفض التخلص من رومانسيتي ومن يتخلص من رومانسيته فهو حيوان ناطق همه إشباع الجسد هو آلة تدار حسب توجيه الغرائز..

نصر هو الإنسان المعذب بشعوره.. نصر لا يملك عقدة التفوق والنرجسية ولا يحس أيضا بمركب النقص.. نعند ما يمدحني البعض أحس بالخجل من حب الناس نحوي أحس أنني سعيد لأن كلمة الخير تبعث في النفس شحنة من العمل والتواصل وعندما يحتقرني الغير أو يستفزني يتملكني الكبرياء وأحس بنفسي هرما شامخا أمام من احتقرني. أحس كأنه حشرة قذرة. وهذه الحالة حتى عندما تحصل للغير أمامي أحس بألم وأسف. أكره الاستهزاء منذ صغري أكره التهكم على كرامة الغير. ولو بأسلوب فكه أو طريف فرب طرفة أبشع من فعل .. اقرأ أخي القارئ .. وأرجو إرفاق ورقة في مؤخرة الديوان أبدي فيها ملاحظاتك فأنا لست مرآة نفسي ولست كاملا والبشر فطر على الخطأ . فأنا بشر.. خذ تحيتي وحبي لك.. والسلام..

نصــــر بنـــــحامد العويـــــني



















واد الــقــــصــيــــدة لله الحمد وحده
ليلي ونخيلي والقمر الضــاوي عشاق قلبي مقايس ضــــوه..
وهوذا الثلاثة ركبوني فضاوي رموني هبايا في هبيط الهوه..

واد القصيدة شدني من اـــيدي وبين الليالي الدامسة سهرنـــــي
وحرم علي منامتي وترقيــدي والنوم من عيني جي وهجرنـــي
وحاكم علي حكم نح وهيـــدي وعذب عيوني الساهره جرجرني
ومن بدر نص الليل يبدأ وقيدي انشعل اصطوفه ونارها اتزهرني
وانحط كاس التاي وبراريــدي انغني مع البراد وايزقــــــــــــرني
وتسرح أفكاري اتزيد في تعقيدي انخش غيم مايق ده خفيق البــرني
ساعات نبدأ مغربي في نشيدي وساعات نبدأ اتزايري ايصورني
وساعات نبدا أردني وصعيدي وليبي ومصري وتونسي ايدورني
وساعات نقرأ كتاب للتوحيدي وساعات بحر الشابي ايكركرنــــي
وساعات قباني مع تهويـــــدي ايزيد الوجع وقصيدته تخدرنــــــي
وساعات ندخل في غنم دريدي وساعات بحري ساحلي ايجـــــرني
وساعات نبدأ مقرحي ويزيدي وساعات ورغمي اننوض أيــقرني
حميدي وربيعي ومحرزي وجليدي و ا يطوح بيه الشعر وايودرنـــــــي
وساعات يكثر قول عل تلميدي انلمد ويبقى ايكيدني ايكدرنـــــــــــي
وساعات يبدأ الحرف من تنهيدي انوازي حروفه الهايجه اتحاصــرني
وساعه الحياه تبدا منارة عيدي ولنوار تضوي أقباسها اتبهـــــــــرني
وساعه البشر الكل تبدا عبيـدي وسلطان حاكم حد ما يحقرنــــــــــــي
زي الملك والحكم في مقاليـــــدي والناس مني اتخاف واتقدرنــــــــــــي
وساعات نغلث دمعتي وتنهيـــدي وفي هزيمتي لا ثم من ينصرنــــــــي
وكيد النساء غالب دهاوة كيـــدي وكيد النساء في شبكته حاصرنـــــــي
وباش ننصحك في دهرنا يا ولدي خوذ الحذر لاتقول زهرني عطــــرني
كل ورد تحته شوك جرح لي ايدي قبلك جرحني بعد ما خدرنــــــــــــــي
وساعات بسمه ضاحكه من ريدي في عقابها جنازه وعزي كدرنـــــــــي
وساعات ضربه اتنح لي وهيــدي اتكون درس لي عوض تكوخرنــــــي
وساعات ناكل خبزتي بكريـــدي وساعات نلبس كان ما يفخرنــــــــــي
والصدق عندي حق في مواعيدي محال حتى شيء ما ايوخرنــــــــــــي
غير كول وشرب صدق في تعهيدي ولا انقول من حكم الظروف ايحذرني
وساعات عند الصب ح يظهر نيدي ونشبح نجوم القايله وتبصرنـــــــــي
وساعات نبدا صيد في ترعيــــدي ولسياد تسكت وقت ما تنظرنــــــــي
وساعه البهيم انقوله ياســــــدي مع أطباعها هكه الحياه اتدورني
وساعات سري نكشفه لنديــــدي وانقول هذا صاحبي يستــــــرني
وهو في قفايا بخنجره عل جيدي وايحب طول بخنجره ينحرنـــــي
وساعه شهييلي ايزيد في تصهيدي وساعات لنه سحاب ما مطرنــــي
وساعات لنه زمهرير جليـــــــدي ونندك تحت الزاوره اتدثرنــــــــي
وساعات نبدا حلوافي أماعيــــدي زكل لعباد اتذوق تسقرنــــــــــــي
وساعات قرد ونمدحه في قصيدي وهوايهز راسه وبالرد ايحقرنــــي
أركح وشد بلاصتك يا وليــــــدي ولا اتخش وسط الشوكرفعه قرني
وخايف اتطيح وتنجرح لجديدي اتنادي علي جيب الدواء صبرنــي
وساعات قلت الزين هذا ريــــدي وهالزين هذا سمح تا يسحرنــــــي
ايواتي عليه الوصف في تمجيدي بل احبس بين بهادله يأسرنــــــــي
واتنوض بيه لواعجي وتسهيـــدي حالة طواري ويا كريم استرنــــي
وساعات نبدا في الحكم جريدي وحتى كلامي ايصوغ واينورنــي
وانقول يا أشعار التوافي سيــدي وميلي مع ليلي وهيلي بقـــــــــــوه
وزيدي وزيدي وزودي تزويدي حاله غريبه في القصيد وجـــــــوه
.. واد القصده لا عصف تيـــاره اتجي مراكبي ما بين جزر ومـــــد
زي بحرهايج موج جاب اعماره هاج ماج يرغي عواصفه وارعــــد
واد القصيده عاشق لشعــــــاره وما بينهم ديمه محبــــــــــــــه وود....
ويتمانحوا في ليل غط استــــاره وهدد وثلثين البشر رقــــــــــــــــد
وقرب الليل ايعاتبه سحـــــــاره ويهجم على جيش الظلام حشــــــد
ويعطيه في لخز عقاب انــــذاره بطلوع نجمة الليل منها ايحـــــــــه
ويهرب ايخلي بلاصته لفجـــاره والليل ماهو عالقفاه ايصــــــــــــــد
ويطلع الفجر مقابسه بهــــــــاره ...وعفوا لخالتي امباركه أم الــــــود..
أم عاشقة ليل الهجي وأقمـــــاره أم عاشقه شعري غزال الحـــــــــــد..
بلا شك كل شاعراتهيض أفكاره وواد القصيده عالورق انهـــــــــــــد
وهذا الفجر لخضر جبد تذكـاره عل معبد ذهيبه وغناوي اجـــــــــدد
والواد تطلفح ايمينه ايســــــاره وخليه واد الشعر كيف انهـــــــــــــد
المايذوق نظم الشعرغيراخساره هذاي ليه كان لجام فيه احــــــــــــدد
وليه حق من تبن وشعيرشكاره وليه حق في كوري وسقف عمــــــد..
وكل خلق عنده عشق هو واخاره وكل حد في مهواه ديمه اسعــــــــــد
واحد عشيق العود والقيثــــــاره ولاخر حكم الناي بيه غــــــــــــــرد
واحد اعشق الكاس والخمــــاره ولاخر بلع بالنوم نام اتمــــــــــــــــد
وواحد تعبد للكريم أذكـــــــــاره وثم القلب ديانته وارتـــــــــــــــــــــد

وثم ناس تبغي المال لاحكـــــاره والمال مايعاديه حتى حـــــــــــد
وواد القصيده دارني كركـــــاره وعبى علي الشعرثم جبـــــــــــد
وحاكم على عيوني اتبات سهــــــــــــارى وتحكي مع نجمه وظلام أسود
والواد طافح موجته هرهـــــاره ولا تظن تايحبس دفوره ســــــــد
ولا يعجبك في الصيف طول نهاره ولا ايحيرك ليل الشتي ماحـــــــد..
وما يعجبك في الدهر كان أطواره ولا ايدوم فيه جمد والا شهــــــــد
وما يقعدوا في الواد كان احجاـره والعبد لا خايب اينول ســــــــــوه
يقعد على طول المدي عـــــزاره ملعون ماعنده خلاص مـــــــروه..
وما يعجبك هالدهر وتقاليبـــــــه قلاب يتلون مع لريـــــــــــــــــاح
وكم ريت فيه الوان زينه عجيبه وغنيت فيه بحزن صوت انــــواح
وعاشرت فيه وجوه لينا حبيبـــه طيورعزغربتها سهر الراح "خمر"
وكم من طيور الطوحت تغريبــه في كل مره اتلوذ في مطــــــــراح
وكم من قريب ابعد جافي قريبــه وصار بينهم وخلا وضحضــــــاح
وكم من مريض ايحب وجه طبيبه الي بيه يشفى مالوجع يرتــــــــــاح
وكم من رضيع ايحب صدرحلييبه ايرويه في ليل غفي لشبـــــــــــــاح
وكم جفن صب الدمع بامازيبـــه عل خد سرسره رشـــــــــــــــــــاح
ومد القصد الحرف وتراكيبـــــه موه عدى الليل للسبــــــــــــــــاح
تنظم عقود للشعر وتراتيبــــــــه ساعات تلقى خاطري مرتــــــــــاح
وساعات تلقى نصر حاله عجيبه ليل الهجي ببلومته شطـــــــــــــــاح
مع الليل نسرح في عجين كتيبه نعجن ولا كنزنا فناء لا افـــــــــراح
واحد كنز الزرع حصل ويبـــه وواحد ملك عيون سود اسمـــــــــاح
وواحد ملك عيون قول مصيبه !! عيط وريثه مالمشابط شــــــــــــــاح
وواحد ملك عيون تربه خصيبه وغرس اغروسه اللوز والتفــــــــاح
واحد ملك عيون حسد غريبـــه ولا ارتاح لا خلى البشر ترتــــــــاح
وكل حد حظنه في الحياة نصيبه حظك ومكتوبك اتجيبه أريـــــــــــاح
وعند العليم بما خفي من غيبــــه مسطور عند الله في للــــــــــــــواح..
و نعلموها كيف لون كتيبـــــــــه والله عالم ماخفي مطــــــــــــــــراح
والقدره ربي الكريم ايجيبــــــــه عليك العماله الكل يا فتـــــــــــــــاح
هاذي الحياه مره علينا صعيبــــــــــــــــه بالمر دايم صحها يكســــــــــــاح
ويا ويح من واحد فرغله جيبـــه زي من مشي ايحارب بلاش سلاح
ويا ويل من غدره حبيبه قريبــه إذا كان خرج سر يا فضـــــــــــاح
وكان درقه يحكي بما حمل تجريبه وكل حد يبكي بعلته يتلـــــــــــوى..
كل حد يحكي بحالته الملتاعــــــه وقال آه يا سامع علاش اتلـــــــوم؟

كل حد يبكي بعلته وأوجاعـــــه مضيوم من ضيق القدر مظلـــوم..
ومليوع من فعل البشر واطباعه.. وديمه البشر صانع مصانع شوم..
ويرميك داخل حفرة البلاعـــــه.. وفي حاجته ايبيعك رخيص السوم..
ايهونك بسعر زهيد للبياعــــــه.. لاسوم لا مرسوم لامعلــــــــــوم..
..وربي خلق صنف البشر بانواعه.. صالح وطالح عادم ومعـــــــــدوم....
وواطي وعالي جايعه وشباعه.. وحاكم وتابع سايس ومحكـــــــــوم..
واحد غديره في الزمن نقاعــه.. وواحد غديره بحر واتى العـــــــوم..
واحد جوالي دفتره بزاعــــــه.. روت عطاشى من غيب محـــموم..
وواحد قياسه كالجبل أرداعـــه.. وليه قيمته عالي قليد القـــــــــــوم..
وواحد حطيط الظهر للبرداعه وزنبيل وامعبي ترابه كــــــــــوم..
وفي ظاهره رداع للرداعـــــه.. وهوكلب مابين الزبل ايهـــــــــوم
واحد بكي مالوجع بين أ ضلاعه وحامل العله سرها مكتــــــــــوم..
ولامن بكاله بدمعته الفياعـــــــه ولامن ضمد له جرح بيه أيــزوم
وواح رفع فوق السحاب اقلاعــــــــــــهبقصور زينه سورها مرشـــوم..
ويدريش عالباتو ليالي جواعـــه المظلوم يبكي بحالة المظلـــــوم..
ويدريش عالعدوالشراوي سقاعه.. وكم في الحياه اوخية بقي محروم..
وماالقاش حتى ن فع مالنفاعـــه.. كل بير في طريقه بدي مصــدوم
ومحروق جاه الكي بالطباعــــه.. عدى الليالي ماشبح النــــــــــــوم..
وهكه الحياه وأرياحها كظاعـــــه ساعات غبر كيف ريح حســـــوم
وساعات لنه مزن دار شعاعــــه وصبت امطاره والروابي تعـــوم
وساعات لنها شمسها سطاعـــــه.. بقص بهر الصونح غيــــــــــــــوم..
و يرجع قصيدي واد للسماعـــــه والوذن تشرب شعرنا المنظــــوم
واد القصيده ايموج ساعه بساعه.. وكل من اعطش للشعر جاه اتروى
وصوت نصر واحبار القلم نباعــــــــــه بلبل صدع سكت الذيب العـــوى
..واد القصيده اليا انطلق في سوقه وغمت الضفه دفر تملا الضفــــه..
كلغاط يرزم صوت دفوقــــــــــه ايغم السهل والباطنه والحفــــــــه..
كابر هديره دنيته مطبوقـــــــــــه.. وهجه شهيلي قبل لا يتخفــــــــى..
عجمي اتلغم وانغلق صندوقـــــه.. عجيم صب لامنع الظهر لاتخفى..
تلقى عميده نصر كابر سوقـــــه.. وتلقى ال بلايم حافله في زفـــه..
وريحة التاي امقربجه محروقــه.. البراد.. والقارو.. وحكة نفـــــه..
وأوراق فوق أوراقها مروقـــــه.. صفة ورق امحاذيه للصفـــــــه..
وتيار جارف دفتره مطلوقــــــه.. جلجال من عارض طريقه ايدفه..
الله والنبي والفجر حل بلوقــــه.. بصكولتي كفه عطت للكفــــــــه..

ونهمت اتفارص.. هايجه مقلوقه.. والي هدر قبلي حصر في الرفــه..
اسماي نصر واسم النصر عالي فوقــــــه رجراج في بحر القصيد وهفه..
تواضعت للين وفاح نشوقـــــه.. وحب التواضع في الشهامه عفه..
وقربعت عالهادوق والهادوقــه انشلفط الغالط في طريقي اندفه..
ويرجع ايورور قربته مفلوقـــه في الحين يزروغ عرب وتخفى..
ونصرالعويني قص ايده مهيوقه واظير في ليل الزمن يتنــــــوى..
وكانه رزم رعده و لمع بروقــه كثير ناس تتلكون ات قص الدوه..
**************
..واد القصيده اليا انقلبلي ريحـــي ودار الدجاج لسود بخط عيونــــي
وسائلة شعري الصارلي تنويحـــي واغضبت متعصبن تبدل لونــــــي
وانقول يا اشعاري علاش اتطيحي؟ وعلاش باطل بالعوج ذلونــــــــي؟
وعلاش تبكي يا قصيدة اتصيحي؟ وعلاش تبكي ظلم مالظلمونـــــــي
وقت الي انشوف المزبلة في سيحي وانشوف ناب اكلاب لي عضوني
وقت الي نشبح من عكس تصليحي بلا ريح باطل ينقلبلي عونــــــــي..
ونشبح عوج أزرق على تصريحي تقيت عيب الناس ما تقونـــــــــي..
وجبرت كسرة عايبي وصحيحي وسترت عيب الخلق ماسترونـــي
.. ونضحت دمعي زاد في تذويحي سكروا بدمعي ومحنتي وماسقوني
ويكثر تناهيدي على تجريحــــــي واتثور بيه محايني وجنونــــــــي..
ويا نفس صيحي بالعوج وبيحـــي الوقتاش والوقتاش طال سكوتي؟؟
الوقتاش هالوباش في تكليحــــــي أني اكلحت وتكلحت لا وطونــــي..
ولكن ورغم جروح في جواريحي تمسكت في عروة علي في عوني..
ورغم الدوامس تشعل مصابيحــي واتنور رغم الليل والطفونـــــــي..
هم حفرولي مساربي لتطييحــــــي نقزت واحفرهم قفا عقبونـــــــــي..
وهم زرعولي الشوك في مطاريحــــــي.. عنست روس الشوك مادقوني..
وهم بالسكاكن قطعوا دراجيحـــــــــــــي وقالوا خباره طاح وسط الفوني؟
وخرجت انظف مالشمع تلميحي وكل من لمحني حب كل فنونـــي....
والي قطع مناسك تراويحــــــي.. والشوه المحراب فعله دونــــــــي..
وويح ويحهم مني ومن شطيحي الياشطح موجي ايغرق اللزونــــي..
لقاقيحهم مااتكسر لقاقيحــــــــي وريحي عصيف ايسكت الي عوى..
صوت حق موش الكذب والتبجيحـــــــي.. وكل من اسمع ابهت قال اشنوه؟
*************
كل من اسمع ايقول هذا قــــــاري ناسك عرب اسلام ليه نصيحــــه
هذاي ورد عاطر في نسيم فجاري سبحان ربي ما أطيبك يا ريحــــه

وكل من اسمع ايقول معطى البــــــــــاري عظيم شان واقدارالكريم فسيحه
وكل من اسمع ايقول رنوا أوتاري على عزف نغمه شاديه وفصيحـــه
وكل من اسمع صلى على المختاري بونور ضاوي شاعله مصابيحـــــه
طف واد من شاعر فحل صحاري تربى على الرقراق وضحاضيحــــه
واد عوم يقلب ظاهري وجفـــاري ممزوج عشبه زعيتره مع شيحـــــــه
هذاي بحر تقلب موجته كســـاري يا ما سفاين غرقت في ريحــــــــــــه
الليس طاح لوطى وانكسر الصاري وفتات وتفكت لويحه لويحــــــــــــــه
يا ما مهازل دارها البهبــــــــاري غره الثعيل ودار روحه فضيحـــــــه
وياما مشابه بوم جت اتمـــــــاري القت صوتها عقب الليالي قبيحـــــــه
ونصر العويني واد قاري جاري من الله لا ينزح نزيح الشيحـــــــــــه..
وساعات يبخصني همل وضاري مكلوب قلق راحتي بنبحــــــــــــــــه
وشوش علي قريحتي وافكـــاري زنوس عزيف النغم وتواشيحــــــــه
كذب هب نبحة كلب كذبه عماري وفي الحق يستاهل عصا وطريحــــه
يعوي تقوى الصوت عل صقاري عدوه شمت ودارله تفشيحـــــــــــــه
وبين المعالم لا لفــــــــو زواري معاي يشمتوا في الظالم وتكسيحـــــه
وبين المظالم ضاع عقد أطياري وضاع لحن من تنهيدتي تزرزيحـــــه
وكل من ظلم صده الكريم الباري وبيه انقطع الحبل والدرجيحــــــــــــه
والصاع بالصاعين للي شــــاري الميزان وازن والمصروف رجيحــــه
عجب كيف مولى الدار ولى كاري الكراي غلبه فكله مفاتيحـــــــــــــــــه..
عجب كيف جتني مالعدو بشــاري وقريب لي شاطني تجريحـــــــــــــــه
عجب كيف ما ضوت علي أ قماري وطالت ليالي العمر عالتصبيحـــــــــه
عجب كيف طير الصقرصارامواري وصرح جند البوم في مطاريحـــــــــه
عجب دور يا دهر العجب دواري واتاك لحن الرقص دق شطيحــــــــــه
وانعود في واد القصيده انجـــاري بالنحو للي يفهموا تلاميحـــــــــــــــــه
وسبحت للسبحان وسط أذكــاري ايكون عون لي أسناد يوم الطيحــــــــه
والله في غيثه سكب مطـــــــاري سيله ددفق غم الجبل وسيحــــــــــــــه.....
ومن حب يروى بعز يصبح ساري ايسبح بحمد الله في تسبيحــــــــــــــــه
وليه عز جايب بعز ريح فجـاري وعنده نوايا صادقه ومليحــــــــــــــــه
طيب مقامه خير ما لأخيــــاري.. بلا شك يلقاني عسل تجبيحـــــــــــــــه
يا مرحبا بالضيف داخــــل داري صدري فرشته ليك للترتيحــــــــــــــه
يا مرحبا بدرويش وسط حضاري أهل البراكه ينفعوا بنصيحــــــــــــــه
يا مرحبا بناسك دخل أوكــــــاري فاحت الحومه من مطايب ريحــــــــه
يا مرحبا بالسهلو مشـــــــــواري جنود الفزع لا يرهبو التطويحــــــــه

يا مرحبا بجنود ليل طـــــواري فزعتهم جوني على التجنيحـــــه
يا مرحبا يا مرحبا بانصــــاري فاح طيبهم كالورد في تفتيحـــــه
يا مرحبا بالكسروا الأســـواري وخلعو أبواب الحبس وصفافيحه
يا مرحبا بميا بدو حضـــــاري نجدات في وقت الفزع والصيحه
وخيبت في وسط القصيد أسراري دوباش درت الرمز للتوضيحــــه
والعلم للعلام ربــــــــــــي داري علوم غيب غاشي ريحها يتنـــوى
ولو جبت الأنترنات لاستفســــــــــــــــاري..يوحل جهاز البرمجة يتلوى
************
واد القصيده اليا انطلق لسانــــي وايكون جمهوري احضر بكله
خلي البقيه وهي تعالى أصغاني واسمع قصايد نظمها بالملـــــه
موروث من عكاظ دهر الفانـــي بقت سلسله حلقاتها تجلـــــــــى..
من عنتره للنابغه الذبيانـــــــــي ومن قيس لأمرئ القيس كان تدله
اللاعشى مع وضاحنا اليمانـــي اليا عمرو والحارث وما حصله
الليلى وتحاضر نوع مالسنواني في صخر ترثي الثانه تتقلـــــــى
أما لوله في عهد ها المروانــــي عاشت الفتنه وهمها والعلـــــــــه
لحسان شاعر سيدنا العدنانـــــي واربح من سلم عليه وصلــــــــى
الياكعب ولد قاوي ايقانـــــــــــي "سعاد بانت زينه يتحلــــــــــــى "
بيها مدح سيد البشر يا اخوانـــي وسيد البشر اهداه أجمل حلــــــــه
وسبعة قصائد شهرة العربانــــــــــــــــــي مشاهير أمة شعر ياشر عا لله
وربي امشرف أمي بقرآنــــي نازل على المختار بن عبـــــد الله
زاد لغتي ونور بصر أجفاني وكل باب خشه النور حيني حلـــه
ونور على الداخل وعالبراني وطهر خفايا نفوسنا مالزلـــــــــــه
للدين رفعة نعبدو الفوقانـــــي عظين شان لا ايقد البصر يوصله
يلرب تقبل توبتي وايمانــــــي وفي جنتك نأكل لذيذ الغلــــــــــــه
ونرجع انصلي عالنبي وانثاني شفيع أمته كاثر كله تعبـــــــــــــه
ويرجع حديثي ونفتحه ديواني واسهر معايا الليل خل وخلــــــــه
ودبه ودبه امبات سيدي الهاني الصوف بالرزانه بيعته بـــاب الله
والتين ذرو سفاف بين سواني حتى البغل ماعادش ايقبلـــــــــــه
والمسك والسوسان للسوداني وللشام شهره حرير للأم الخيلــــه
والفن من بدو الزمن لبنانـــي وسلبح بنهر النيل قرب مسلــــــــه
والشعر ليبي طبرقي وفزاني ولحروز ليها مغربي برحلـــــــــه
أما التونسي مشهور باللقانـي ايحضر الكذبه قبل ما توصلـــــــه
وممتازفي الرشوه مع الديواني الخموس والعاشور جيبه حلـــــــه
والحق خير الدين عالأحصاني ووراه بلقاسم ايسد الفلــــــــــــــــه
والأكتاف ديمه اتهز منه حاني لحظات عادك بيه طول تعلــى
وقداش كثرت في البلد غواني لا اتفرها مخلوط مله وملــــــه
واساموا القواد هو والزانـــــي داخل نزل Hôtelكروشهم تدلى
آه يازماني يا عجب زمانـــــي الطن طاح بالكيلو وتحته ذلــــه
ليه البشر يعبد المال الفانـــــي وسيب طريق الحق عنه تخلـــى
وليه القصيده عامله بالعانــــي سارت معاه الواد لا ما ولــــــــى
خوك نصربقصيده صبح ايعاني هواني السهر عقلي دخل في الحله
سهران لهزيع الغسق الثانــي للفجر لول من اطياح الهلــــــــــه
وواد القصيدة هزني وأدانــــي ادغرقت وسط الليل كيف غولـــه..
وقسم بليله لعبة الشعبانـــــــــي كروع خصيمه في الغريق ادلـــــى
وراح ليل خلف ظلمته ضوياني تحته انسلت الفجر كثير ظلـــــــــه
وهيهات من عائد نعم يلقانــــي واد انهلب وإياك تا تدخلـــــــــــــــه
امضي لساني بسورة الفرقـــان وآيات لافيها خطأ لا حلــــــــــــــه
لكن ولكن صيفي في حنانــــي حنين قلب رايحته عبير الفلــــــــــه
اتشوف البراكه وينكشف برهانـــــــــــي..أهل النوايا الصادقه من أهل الله
نظيف الخطاوي راجعه ميزاني بعز نفس عشنا صقور وسط الحله
هكه محمد والدي وصانــــــــي وإياك راسك يا حبيبي اتذلــــــــــه
وبالله يا شيخ الملاحه أرجانـــي راسك عمامة الأصل لا بوطلـــــة
ومن يعرفوني ايقدمولي تهانــي بسلامته الصاحب وهلا وهـــــــلا
مشتاقله شوق الضني للضانـــي وعطشان له عطش العطوش لبلــه
ومشتاحشته شوق الجفاء هبانــي وطول الجفاء عض البدن وسلـــــه
وعيطت يا صاحب خليل أهواني ملقاك في لحظات يبري العلــــــــه
وعايشت في الحاضرمن اللوطاني اتعس مخاليق البشر بكلـــــــــــــــه
جيت في زمان بصفوتي ربانــــي القيت كان ذر ابليس أبشع ملـــــــه
غريب حال في داخل تراب أوطاني غريب دار كان البوم فيها صلــــــى..
غريب وطن فيه الذيب ليه معاني وصار رمز للثقة وعليها تولــــــــى
غريب غربتي موقف عجب تلقاني حاير دليلي وحيرتي تتقــــــــــــوى..
وخوك نصر العويني عييت انعاني في دهر مر عصيب يخلـــــــي دوه..
************
واد القصيده اليا انطلق سرسابـــي ولزت وشدت بعضا في يومــــي
وسلست شعري في الشراب الهابي خفض عصيف الي قطفلي نومي
وثور على روحه عجاج ضبابــي نسمت عليه مراوحي ونسومــــي
صبح كيف ريشه في مهب سرابي قلع صديد الي مسخ هدومـــــــــي

ورماه في فج الخلاء عزا بـــي سبب غلطته وقت اللمس سلومي
جلجت شعري نوته لهابــــــــي من غرب قبله امفزعات نجومي
حرايق ولا فيهش منه غابــــــي تلمود لا تلموا كتايب قومـــــــــي
ومسكين من غالط طلب احرابي مسكين ومساكين كل خصومــــي
ومسكين من يهزأ على نشابــــي مسموم فيه امغرزات سمومـــــي
ومسكين من يمسخ طهور ترابي ومسكين من يلعب على مرقومــي
ومسكين من يهزأ عليه خطابــي ومسكين من ظنه أي رخص سومي
ومسكين من يحقر ورق اكتابـــي باللون لخضر يسحرك منظومي
ومسكين من ظنه دنس محرابــي أخضر ايشع بلون ضوى غيومي
وبحجج واد الشعر دابه دابــــــي بحجج واملك عليه رسومـــــــــي
مالصغر حسدوني جميع أترابــي الماقد وادي يزدري من عومــــي
الماطالش تبحوري ودوالي عنابي عني هزي يا حسرتي يا شومــــي
أيام بالمحاين زخرفولي حسابــي وفيه تخلطلي ثماري وثومـــــــــي
ادربت في عصف الحياة صعابي ويا مراكبي بعصف المصاعب هومي
سمت قامتي كيف النخل روقابي وتحتي الحطايط مارقت بطومــــــي
صلاة النبي واسم النبي في جوابي صلاة النبي تبعد غوش غيومــــــــي
ونرجع وما نظلم خلاص أصحابي حبل الةوفاء كانه صلاتي وصومـــي
ادربت في أرياح الفلك لعابـــــي جت قرعتي بالشعر عالمنظومـــــــي
دكتور في بحر القصيده أنجابي ولي جامعه انحاضر وفاضوا زخومي
وصاروا البقيه تلامذي وطلابي وجو يقروا حفاظ من علومــــــــــــي
ويقطعوا بعطايري واصخابـــي وايمكيجوا بحروف من مزمومــــــي
ردعت برجيله طلع متنابـــــــي ايسموه في الساحل مسدس غومـــــي
..وقسيم بالمقطوف يملأ جوابي وياحوت أسبح يا جراته عومـــــــــي
وموقف وقف تعجب اسراب أسرابي قال للقصيدة اليارقدتي قومـــــــــــي
امردع عريض "وطمطمه" رتابي هلالي ومغراوي وروشن يومــــــي..
ومزيود سعداوي هبط باجعابي قرابيلتي عمرتها بحمومــــــــــــــي..
وخطيت لمربع مع "الزقرابي" وكتبت لمسدس طلع عرومــــــــــي..
ومحدود طف ايد ورغم روابي محدور لاحدرت جت غيومـــــــــي
رقيق العقل يصبح لغوثي سابي زعقار يرعب كيف ريح حسومــــي
حابي وكابي ايطيح تحت أركابي يطلب الصلح اليا دفع معلومــــــــي
نجدات للي عيطوا طلابـــــــــي ايجيه الفزع شعبي وجش حكومـــي
ويا ويح من ريحي العصف شقلابي ويا ويح من يلعب على سكومــــــي
بنفخه صغيره ايطيح في سردابي تخمر بريحة خمرتي وكرومــــــــي..
ولا العبت في الملعب صعب العابي لا يدخله القلاب والزقومـــــــــــــــي
محروس من ر بي اممضى نابي والي دخل ايغرقه ديلومـــــي..
الفياش يهرب من نبيح اكلابـــي طول يرتعد كانه شبح رجومي..
وأقل حاجه ايقرمطه كلابـــــــي برى تعدى فوتني يا بومــــــي..
اسمي الفجر لخضر صعيب حرابي نصر العويني واد يبعد ســـــوه
وخليك رايض لا دخلته بايـــــي ولا اتمس كدس الجمر لاتتشوى
*************
..واد القصيدة الياهبط وغـــــاوي ايخلي عقول الصامله مرعوبه
قبلي وغربي ومشرقي وظهراوي من فوق لوطى ايغم كل دروبه
طوفان هابط مالسحاب سمـــاوي ايخلي دكاين الاسحبه محلوبــه
ايغم غم ما خلاش حتى عــلاوي وم سفينة نوح للمركوبـــــــــه..
وماهي سفينة نوح للــــي راوي مسكين حاصل وآه وين هروبه
ومربوط مالرجلين شد رســاوي ومخبوط صارت قفدته مقلوبه
ومن كان درب الخير فيه ايســــــــــاوي..ايسرح المولى مسكله ومكتوبه
ونصر العويني أستاذ علمه راوي دروس عمر تفتح للغشيم هذوبه
ومن صاحبه في العز ليه ايخاوي يلقاه درع الدهر وقت ضروبه
ومن عاكسه طعان وامله حاوي ملقوط سخمة مكلبه مكلوبـــــه
والي عرف الشعر فيه حكــاوي.. تاريخ بين دفاتره المكتوبـــــــه
والي عرف الشعر مولى سداوي اينير ايسدي النول يعدل صوبه
عارف طريق الحق فيه نجــاوي تبع ثنيه للبشر مطلوبـــــــــــــه..
والشعر راه سور بيــــن زواوي ومن يدخله يحصل على مرغومه..
وريحة بخوره عطرشية وجاوي.. وصرغين يغشي في نسيم هبوبه
احني من زوايا نشبولها دعاوي اتصادف الدعوه خافيه محجوبه
احني من زوايا يا قادري وعيساوي مجاديب كل واحد طلب النوبــه
احني البراكه وين قلبك نـــــاوي الواحد ايصلي عل طهارة ثوبــه
احني ناس لا أعرفنا طمع لا رشــــــــاوي ولاواحد فينا كرامته مسلوبه..
في الحرب أمضى من شفر جناوي ايقص قص وايخلي اللحم حثروبه
شاعر مع شاعر تبيعه غــــــاوي والله وسع رحمته لذنوبـــــــــــــه..
صلاة النبي الهاشمي المكــــاوي شفيعي نهار الحشر من لهلوبـــــه
صلاة النبي واسم النبي حــلاوي محسلات صبت بالشفاء مصحوبه
صلاة النبي نور الضواه غشاوي شعشع بهر الكون صار أعجوبـــه
صلاة النبي مثل القمر الضــاوي مالدمس تضوي حالكه مغروبـــــه
صلاة النبي حلت لسان الــــلاوي في نطقها تلقى سلاسله عذوبـــــــه
والشعر والدعاش فارض صواوي بين الشبل والشيح والراقوبــــــــــه
امكحل بعين غزال بين فــــلاوي وراضع شوايل درها مشروبــــــه
وكانك اتحبه شيح راه أيـداوي وكانك اتحبه كوبرا مغضوبــــه
وككانك اتحبه تمر مالزيراوي والقصد الوحيشي نسيب تعوبــه
وفي دوز والغواربين شواري عاش وتربى بتربته المنسوبــــه..
وما هي قبلي جامعه وحضاوي " احمد بن حمد مولى الخلوق طروبه"
وماهي قبلي حربها كيميــاوي اتهبط صواعق حاربه محروبــه
وماهي قبلي حرب نار بــلادي احني في المداعك ندخلوا ملهوبه
احني في المداعك نركبوها مطاوي فرسان صحراء نركبوا المدوبـــه..
احني سبرنا عند المضيف غناوي واحني الكرم وذخايره المطلوبــه
والي مثيل الذيب غادر عـــاوي احني الذيب شديناه من عرقوبــــه
كسرناه وكرمناه بين شــــراوي الياشاف نفزاوي ايخش الجوبــــه
احني سلم لا مانصنعوش عداوي والي ظلمنا رقبته مصلوبـــــــــــــه
مشي راح هزه ريحنا الجنحاوي"القبلاوي" شهيلي نفخ الصبح قبل غروبه
والشعر صايص لا خطي النفزاوي لو تغسله بزيت الشهد أكذوبــــــــه
والشعر للي رضع در شكــــاوي صوس الكلي قرنيط والا انشوبــــه
وكل من ايكذب راه فكره خــاوي مهبول يلزم نبعثه لمنوبــــــــــــــــه..
ومسكين يالي نيتك فرضاوي صياح= بغرور طاح الحيط طوبه طوبـــــه..
أخي الشعروالشاعر وصوت الراوي احني جامعه تشهد عليها عروبـــــه
احني انعلموا كل محترف وهاوي مالكسر ترجع كلمته منصوبـــــــــه..
واسمع قصايد نصر خوذ لغــاوي انقريك يالي شيرتك مذهوبـــــــــــه..
ونصر سفير الشعر ليه فتـــــاوي تفويض فوضني النخل مندوبـــــــه
ونصر العويني كالبحر النـــــاوي في عاصفه ودز المطر شبوبــــــــه
ونصر العويني انصب قاوي قاوي هالواد يقوى قوتين وقـــــــــــــــــوه
والشعر من بدر الزمن صحراوي وباقي كلام الغير يبقـــــــــــى دوه..
*************
..وادي القصيدة الياعصف زلزلي اترج الوطى من صوتنا زرزاحه
ونصر العويني السم وحده ايحلي قوله هبط كيف الشهد في اجباحه
ونصر العويني اليا انطلق بالألي يقصر حديث الكذب والبجاحــــه
وقال نصر يالي بثرثره اتغزلـــي ويالي علي اتبهروا نحناحــــــــة
اليفخر علي مالمشي في ظلـــــي.. اندله اتربص دوم وسط الساحــة
والشعر ساسه من نخل قبلـــــــي ومن فوق رملة دوز حل اجناحه
وفي سوق الأحد وين الجبل امعلي وفي صحوة الفرار هاجى القاحه
وهدار وسط الضود تبع بلــــي فينوة المرزم عصيف أرياحــــه
وسطار هو والنجع فيه امغلــي داخل فلاة الفج في ضحضاحــــه
عطاه النخل اللا قمي وازطلـي واسكر واتملى مع الدرجاحـــــــه
والشمس شحناته صبح متقلـــي محرود في شهيلي صهيد الفاحـه
لافح الهيبه نار شمسي وظلــي معاه غيم شايط نفخته شياحـــــــه
وكظاع وقت حسوم غيمه املي عجاجات تقسي عالنظر اشباحـــه
وعاش في زوايا وبركة المتعلي بركة عظيم الكون هي سلاحــــــه
عجمي اتلغم لاشطح تحملــــــي شوشان جابوله طريقه نصاحـــــه
بطهر النوايا اليا طلبته وصلــي انال بركته وانال منه سراحـــــــه
وكل شيخ تظهر بركته متجلـــي برهان ثابت تعرفه الرجاحــــــــه
وناسك تعبد عمر عاش ايصلــي تبع طريق الحق نال نجاحــــــــه
ومزبون في مسرب ورع متملي ساعات نخطى الخط مالزلباحـــه
وحتى خطيت على الطريق انولي الياغشيت ليلي ايشع نور صباحه
وفارس حكمت القافيه في غلـــي زعقار جابه القدر عالفركاحـــــه
مسلوط عالظالم ايكون امدلـــــي ضاعت احباله امقطعه لواحـــــه
احني جامعه للشعر ديمه اتملــى ومحال تفرغ ورثتي مالواحـــــــه
احمد بن حمد شاعر كبير ايسلي " غرام زول من بيه الخلوق نفاحه"
وشدي ورايا سلسله وانحلــــــي عالوارثين القول والفلاحــــــــــــه
وواد القصيدة اليا ذكرت قبلــــي كل حد في الرسمي حكم مطراحه
ولازقر المحدور فارض قبلـــي ترقص خيول اشعارنا رداحـــــــه
..ولا هز برجيله بمقيل قبلــــــي اتسير بنا شور الفلاء في راحــــه
ولا شفت المسدس بصوت قبلي استوتي امعدل ضربته طياحــــــه
ولابغية عالروشن يوزن قبلــــي ايقوله الشاعريعجبك وشاحــــــــه
والأوزان جمله والدة في قبلـــي والأوزان جملة جارة الجولاحــــه
وكانه كلي دقلة نخل قبلـــــــــي يطراو في لسانه ايزيد فصاحــــــه
وهلي وهلي يا عروس قبلــــــي الخلخال بوسيقه ايزيد سماحـــــــه
ولا ابغيت تسمع من قسيم قبلــي عقيم القصيد ايهز منا لقاحــــــــــه
وفي جامعات الشعر فارض قبلي ياخذ شهاده ونظمنوله نجاحــــــــه
والشعرلاغادر صحاري قبلــي ايموت طول حيني لتصيرليه مناحه
ونصرالعويني كي الطبيب الصقلي نجدات للكثروا عليه أجراحــــــــــه
ويالي عرضت بورد يالي يالي احني ورود في وجهك غشت فواحه
وكانك نبحت علي ظني خلــي مانعتني بالهاذيه النباحـــــــــــــــــه
وكانك لبيب العقل بالله قلــــي قطوس حارب صيد هـــــــاذي دوه
ولا ريح من بعد عجاج قبلــي الياهب يغلقها وطاه وجــــــــــــــوه..
نصــــر بنحامــــد العويـــــني














مهرة-ماريا-منيرة



















مـهرة- مــــاريا - مــنيـرة
1987م - 1977 – 1979
تطاوين- بولونيا- الكاف القصرين
فرصوفيا – سيدي سهيل

























- ما ريــــــا البولـــــونيـــــة-

طريق السلم يا ماريا بسلامـــــــــه وقلبي سفر معاك زي حمامــــــة
طريق السلامة بــــــــــــــــــــرّي مع عزمن شاعر محاري صري
أبيات حب عالسهرة ثمينه جـــري معاك قلب هزوا روايشه وأنغامه
ويا نزل سجل للزمـــــــان ووري ليلة 8 من 8- عامــــــــــــــــــــه
طريق السلامه ســــــــــــــــــيري وفي الطايره يوم الثلاثاء انطيري
سفروا معاك جوارحي وضمـيري ومخلوق فزولسهرتك حوامـــــــه
وغليت نواعيرك على نواعـــيري في ريح داروا الأجنحة بضخامــه
وبري قعد الحلم في تذكـــــــــيري ونست رفق لنصر وقت منامـــــه
بري بسلام بــــــــــــــــــــــــلادي وهزي تصاور للنخل والـــــوادي
ومن قلب سهبه الليل جاي وغادي بقي يموج ساكر عاش في دوامة
ذراعك عقاب الليل صاروسادي مخدة لحم وساكتك قدامـــــــــــــه..
وليل صيف يتناغم نسيمه هـــادي انعدوه عالضي القمر حلامـــــــه
واحلاو في برج النعام انشــــادي تحت النخل وجرايده تــــــــتوامه..
برج النعام بـــــــــــقــــــــــــــالي تذكار ما اينحه الزمن من بالـــــي
وضي القمر في لولة غنـــــــــــالي وهود الليل بستر دار غمامــــــــه
وعقب وغابت قمرته وحلالــــي.. وغطى البصر اسواد غشى ظلامه
وعلى السهر في دوز ليالـــــــي عديتهم كاس العسل جفامــــــــــــه
والكاس حتى مرتا يحلالـــــــــي وكعبة حدج تبدا كما الشمامـــــــه
وبرج النعام وداع وجه زوالــــي وقت السفر موعد ضبط أرقامـــــه
ولو تعرفي ما القلب قض هبالــي وتمحن زايد بيك كبر اغرامــــــــه
ووعدت لو سرح الله عقالــــــــي نذبح الوعده للولي كرامــــــــــــــه
ونعطي المدق للقليل الوالـــــــــي المحتاج والوا شين ذر يتامـــــــــى
وظنيت بصبوري حضر إقبالـــي وباش نسفروا نكونوا من العزامـــه
ولا قعدتي محتاج بين أمالـــــــــي مقطوع ومقطع خيوط المامـــــــــه
وحتى الحرس شامت شمت بحالي وخدمة إدارة وطنا نوامـــــــــــــــه
وغموا على اليصبور يا لتصغالـي ولعبوا على القانون بين زمامـــــــه
وعندي 3 شهور عد هلالــــــــــي وزيد فوقهم نص الشهر قدامــــــــه
وهم آلي ابزرا في غدوه ايجالــــي ونرجع ونلق الكذب زاد أكوامـــــه
وما لمشي قطعوا حياصته صندالي والساق لن طابوا لحم أقدامــــــــــه
وبقيت نتدرج تعبث حالـــــــــــــي حتى تعدى الفكر في دوامـــــــــــه
وواحد بلاش أكتاف اسمه بالـــــي ويعيش يمشي بلا سند يتهامـــــــــــى
وفي وطنا يا وحلة الزوالـــــــــي.. ليعيش ريش وسط الريح تذري أكمامه
واك واك يا أم الغيث حمالـــــــــي أصفر مخوص عالقفا يرامــــــــــــــى
ولو نعلمك يا ماريا عالحالـــــــــي عالحب وطبيعة بشر جلطامــــــــــــه
كأنه اكبر الشيك حبك غالــــــــــي وكأنه افرغ الجيب حب أوهامـــــــــه
ومن حب بنت العم قال غزالـــــي ودار قدها ومشي هميل حمامــــــــــه
صيفة عرب وايظن بنت إيصالـي لا اتخون لاهي واحده حلامــــــــــــه
غلطان مواله مع موالــــــــــــــي وطلعت خراريف الزمن وأوهامــــــه
أني اغلطت سيبت الثمين الغالــي وتبعت قشبور البصل وأثوامــــــــــــه
ولا تقول بنت العم هي حلالــــي زي من ايلمد في الهواء في شلا مــــه
ولا تقول عزي في قريب عيالــي زي من ايمثل في حضيض أفلامـــــه
ويا ماريا ما لمجتمع الخالـــــــــي عنده شهايد كذب عالنوامــــــــــــــــه..
ويا ماريا ما لمجتمع بغالـــــــــــي وما ايشوف كان القرط من قدامـــــه
وديمه البغل ما يهز عينه التالــــي وديما البغل ما يشوف كان طعامــــه
************
يا ماريا سهبتــــــــنــــــــــــــي وسط الغرق الغارق رميتيــــــــني
يوم الخميس وفيك شبت عيني وهتاو وين عرفته حب روامــــــه
وهكه سبح الفكر بهذا ليتـــــني شبهه قصوص الطفل قبل فطـــــام
وهتاو وين عرفت لي امخليـني حيران في بحر الهوى نترامــــــى
ويا ريت بصبوري اليوم ايجيني معاك نسفروا نكونوا من العزامــه
لبولونيا معروف تتهزينـــــــــي ونرتاح من ظلم البشر واحكامــــه
صيف الصحاري بنوته شاويني وضيق يد حط الفكر في تخمامـــه
وال نعشره وانقول تا يحمينـــي نلقاه أفعى مبرقطة مسمامــــــــــــه
والحاسبه مسند وتا ايتكينــــــــــي نلقاه حفرة فارغة مظلامــــــــــــه
والحاسبة وقت العطش يرويني نلقاه صاحب شر قاوي أجرامــــه
وهاني وغربتي تكوينـــــــــــي في وسط وطني وغربتي تتسامـى
كلتني الحوافز والوجع عوينــي وعمركش قايد حرب حقره غلامه
ثعالب حقيرة اتبروزت في عريني والفار داير هالعرين مقامـــــــــــه
طرالي كما طاري مع فلسطينـــي ايعيش ذل في وطنه وبين عمامـــه
وشيء انكتب في القدر فوق جبينـي مسطور مانقراش خط أقلامــــــــه
وياسر علي المريا صاغيـــــــــني وربي ايصبر من اتعب في زحامه
اسماي نصر يا حلوة اللقب عويني وشاعر عرب أخضر بساط كلامه
وموش مقصدي أخضرغزل ماليني لكن أخضر عاليات أعلامـــــــــــه
وعربي الجد عروبتي تنادينــــــي وواقف انمزق للزمان ظلامـــــــــه
والي فهم القول دينه دينـــــــــــــي والي حقر الشعر قدوا لجامــــــــــه
سوى حمار وإلا كلب ها خاطينـي والكلب لا كثر لزم كمامـــــــــــــــه
ويا ماريا هالدمع ذبل عينـــــــــي وخرج فايض مالقهر وأيامـــــــــــه
ويا ماريا أول قصيد ايجينـــــــي انغني بقصيدي عالبنات روامــــه
أني عارفك في القلب خبيتينـــي كالورد خبى العطر بين أكمامـــه
*************
يا ماريه يا بـــــنيــــــــــــــــــه من أوربا ما لمنطقة الشرقيـــــــة
واسمك على البصبور بولونية وتبغي العرب في الروح يا فهامـه
وكيفك ايحبوك العرب جمليـــه وكيفك ايحبوا الورد فوق رخامـه
وكيف تعشقوا ليكم صفاوة نيـة حب حق لافيشي غش لا نـــــدامة
احني ناس عوجه أفكارها ملويه انعدمت الثقة وكذبنا يتسامـــــــــى
وانتم اتحبوا شعور ديمه نقيـــــه واحساس صادق لا طمع ذمامـــه
احني حبنا مركز على الماليـــــه وشروط عوجه امكتفات أقدامـــه
الواحد ايقول انحبها عربــــــــيه حسب ونسب وشرف عالي مقامه
وكانك خطيب لبنت رحت ضحيه واتذوق ما لحنظل حدج طقامـــــه
أم العروس ألفاظها موذيــــــــــــه اترد الحلال محرمات احرامــــــه
عالطول تشكر بنتها المسميــــــــة اترد زينها بين البنات علامــــــــه
وتشرط عليك الدار سكنه حيــــــه عصري حياة البذخ فوق أرقامــــه
وتشرط ذهب العرس ألف وميّــــا الصايغ يزيد السوم عالسّوامـــــــه
وتشرط الفرقة نوعها عصريـــــة مطرب عظيم الفن حلو أنغامـــــــه
وتشرط ملحة ناس في سهريــــــه وكل حد فزع جيرته وأعمامــــــــه
وزخرف لباس حرير والقوفيـــــه وحمام قبل الدخول للحجّامــــــــــه
وليلة الدخلة تخرج السوريـــــــه وكل حد حاضر يشبحك باميامــــه
وترقص خديجه وفاطمه وبرنيـّه قالوا الشرف مبروك حلو أيامــــــه
يا خي الشرف في فرج بنت هنيه وفي اير طوله شبر وإلا قامـــــــــه
وصبغان دم أبكار عالزربيـّـــــه ومشكل العربي فحولته في حزامـه
ويا خي الشرف في مفضحه جنسية ودخول في باب الجهل وأوهامـــــه
يا خي على ها لشي وصى نبــيا حاشاه حاشى ديننا واسلامـــــــــــــه
والغرب حاز العلم والتقنـــــيــــة واحنا بقينا لمجدنا حطامــــــــــــــه
ومومسات واشنطن وناس الحيـه بصاروخهم فوق الفضاء هوامـــــه
ناس يصنعوا في القنبلة الذريـــة وناس قاعده وسط الجهل تتهامـــــى
ولماريا زخرفت ألف تحيـــــــــــه من نصر عالقصه كتب انطامــــــــه
ومن نصر هاهي قصايدي الشعرية صرخة صخب في شعب طال ظلامه
نـــصـــــر العــويــنــــــي
فــي 11/08/1988

سايح زار بلادنا هو وعايلته
وقابلني وقابلته طلب مني تفصيل عالوطني فصلته
سايح دار بلادنا هو وعايلته وقالي وطنك جلته محلى ريح نسومكم وقت الشميت
وقالت مرته ماريه ترابك باجلته بالصورة سجلته ودرته معرض زينتي ديكور البيت
في مدينة فرصوفيا بداري جملته في لوحات عملته وتكلفلي مال عدة كيت وكيت
لكن مالي يهون في الشي الحصلته وفي الوجه القابلة هكه طوني قالي ومعاه حكيت وطوني سافر راح من بعد راسلته ونرجى في مقابلته العام القادم موعدي لوكان حييت
ودار العام الموعدي الوقت تعجلته جي كاغط حللته برقيه من ماريا ليها تر جيت
وعلى موعدها وموعدي وقتي عدلته في الليل تخايلته طوني هو وماريا هكه ظنيت
وللطيارة القادمة المطار وصلته مع الساعتين دخلته عند خلوط الطايرة حسب التوقيت
وكي عرضتني ماريه نظرها غازلته وتبسيم تبادلته عرضتني بأحضانها وليها ظميت وجي دمعي ودموعها واد تمثلته ذرفاته وسيلته دمع الفرحة ظنتي ومعاها زهيت قالت جفني يا صاحبي بحزني ذبلته قالت عمري هجلته طوني توفى مات ودفنه وترزيت
وجيت لتونس ونستني وربي توسلته نعم قلبي عللته علي بين صدوركم تنقول ادفيت
وبيك أهلا يا زايره كوخي حفلته وفانوسي شعلته ناسك عاشق راهبه وليها حنيت
وللناسك والراهبه ترابي قدلته بزهوري كللته وفي مجمع الأديان ربوني وقريت
وتمازج الأديان في وطني تمثلته معبد خير جعلته جامع لاصق دير في الجامع صليت
وبيك أهلا في بلادنا ونصر وراحلته معروفه شايلته ناقة اتدر حليبها للشول مليت
لكل حبيب تركبه وترفع ثاقلته والظالم ما غفلته اتصكه صكه صايبه يمشي فتافيت
احنى روضنا وحوشنا والوحش ختلته في حديقة دخلته فرجة للسياح صور لا حبيت
هي تونس تونيس هي الأنس ومنزلته وكلامي فصلته ليك هاني حللته
وبيــك نجول بلادنـا ويثــبت ما قلتـــه
بيك نجول بلادنا مداين وانهاج هاهي قرطاج هاذي مركز ديدون مرفا وسط خليج
هي هجت من صور من مشكل واهراج علاشي تفراج القت فرجها وزاد واتاها التفريج
موش قتلك يا ماريا راحه للضاج ونزهة للفراج وأرض سلام امسالمه في مثل حجيج
وهذا معبد كان ليه قوسه وابراج وحمام الوهاج جت مياهه دافقة اتعب مقاجيج
فوق حنايا اسلحبت ماها قجاج قاطع كل افجاج ليصب امياهه صافية بغير صهاريج
وشوفي طيور حمامنا كي اتطير أزواج وبعد عشر أدراج هاهي الحمامات وبحرها ما يهيج
هذه الحمامات تغازل فيها أمواج ونظيفة الانهاج فوحها الريحان داير فيها أريج
بيضاء حسب الظن منحوتة مالعاج منظرها رهاج أميرة فوق شطوطها اتحظ التتويج
وهذي سوسة الجوهرة والناس أفواج بوجعفر يبهاج فوق ارماله سارحة اريام مغانيج
وعومي راه بحرنا الكله سوفتاج ما ثماش إحراج وما يغرق سباح في عيون مداليج
عاش النورس عاش وطيور الدر اج بجناحه لواج وحمام على سورها أصواته تربيج
وهيدر وموت شطوطها والليل سراج نور ظلام الداج وتربتنا وشموسنا لماعه رهيج
وماهي نسمة بحرنا اتعدل الامزاج واسقم ما اعواج راحة نفس القالقة من كل ضجيج
وهذا السور ومركزه عالي الأبراج من داخل نساج حوكي حاك لباسنا في لون بهيج
وفيه انبهرت ضيفتي وعقلها راج وكل من هو لواج لاج ولاج ولاج ومالج التفريج
القهوا اصور امزحفه والنور إبلاج كل سابح فراج وايريح راحلته
ويلقـى بين قلوبـنا الشهـد ومنـحلتـه
يلقى بين قلوبنا وانس وونيس اليا فتحي كراريس تلقي بين آثارنا مدارس ودروس
ومن سوسة تنشرقو نمشو بتونيس مشي بلا تحبيس ووصلنا لمستيرنا ليفي مينوس
وهذا هو رباطها وحصنه متاريس داره للتعسيس الباني اسمه هرثمة لرضه محروس
وممزوجة في بلادنا أمام وقسيس الناسك والقديس وكل واحد وديانته ومالية طقوس
وشط البحر يجيبنا على شور خنيس رغم الليل طليس شوفي سفن الصيد كلى مركب فانوس
صباح الخير اماريا عقب التنعيس عشر أميال اتقيس والمهدية امقابلة في لون عروس
وبان البرج الفاطمي وليك التحويس معالمها تدريس نرتاحو في آثارها بمركز طابسوس
ويذكر لك تاريخنا المهدي وباديس واحجار الكراديس سقيفتها والباب والجامع والقوس
وفوق فلوكة نركبو ويدورالليس وانسايس تسييس ونصطادو من حوتها شلبة وقاروس
وذوقي إنتاج بحورنا من حوت الكيس الأسماك مكاديس لشورالجم انغربوالمسرح جوليوس
من قبل الرومان كان ليه التأسيس من قبل اغطوسطيس واسماها في الماضية تويو دوروس
ارضي جميلة دوم وحجرها فوانيس علوه ودواميس كل حجرة تمثال تانيت وفينوس
ارضي ديمه خاصبة وتراب نفيس ما يدخلها إبليس ماهي الجنة الطاهرة اسماها فردوس
ارض سلام و أمنها حرس وبوليس متمرس تمريس ثقافة والقانون في فكره مدروس
عرضنا حرس وبسمته على وجه عريس يحب الشعر سليس طلب صورة لشباني لشعره محسوس
شعب نجب الشابي قوة حاسيس كما أسطو طاليس كماشاعرالاغريق الاسمه هو ميروس
ومن اوتيغا لقليبيه وكسرى ورويس ومن دقة لجكتيس باقي الخير انقولك مازال كدوس
وريف الجم انلبسك خله وونيس وفوطه ومقاييس وعجمية تتزينك حنة وحرقوس
من الجم وتستظهروا لبسنا كبابيس فوق الرأس اعملته
ودخلــت القـيروان للديـن ومنزلتـــــه
في القيروان صباحنا وفاحت الارحاب خشيت من الباب دخلت الجامع طول لصلاتي ترغيب
وطلبت من الله يغفر لي في حساب نواب وتواب صلاة مسلم يا ماريا ليها تواضيب دخول القهوة العالية للتاي الطاب قبلة الفم ارطاب وفطورك مقروض من دقلة وزبيب
وقات نشم نسوم في الريح الهباب ملا ريح اطياب بالله يا صاحبي واش نوع الطيب
قلتها منزواية صاحب الأصحاب ريح طاهر الاثياب الهادي الأمجد سيدنا بونور عجيب
هذا صحابي امجاورالسادة الأقطاب شح لون المحراب ابياض حجر الزواية في لون حليب
خشي كانك طاهرة والكافر تاب انتم أهل كتاب موش عيب أن يصافحوامصحف وصليب
العيب كانش في الكون يتواصل أل إرهاب والعالم يحراب وعيب حمامة بايضة يغدرها ذيب
وعيب البدر وبسمته يغشاه سحاب يغماق ويشهاب وعيب العيب انقولك عيب على عيب
وفي تونس تنقولك الاضياف أحباب ووطنار حاب فتح أحضانه لم كل لاجي وغريب
حيني ينسى غربته وينسى الاتعاب ويرتاح ويطراب جنه براس إفريقيا والخير خصيب
وفي تراب القيروان الجامع والكتاب هذا حوض شراب فسقية الاغالبة والحوض رحيب
وبروطه والبير وجمل الدولاب ومنظرها الخلاب وفكره كيف ايصب من غير امازيب
وعين جلو له مزارنا البير الطباب يجوه المرض أسراب ماه ايداوي أمراضنا من غير طبيب
وقالت محلى ترابكم مغلاه تراب بحبة قلبي ذاب وملا حضارة شامخة وملا تهذيب
ولو تسمح وانسافروا لصحراء وإسهاب لنقراوه والزاب وين البل السارحة بين عراقيب
وركبني عالشايلة ومد الحلاب من الضرع الصباب وشربني ماللاقمي بين مغاريب
ودار المقود فيدها على خط ارقاب لجنوبي زراب الراعي يعرف موكره ايصوب تصويب
والراعي يا ماريا فارس عطاب يشبه طير أعقاب وليه كرم عظيم باضيافه ترحيب
الطير يعود لموكره يا بوعبعاب عربي ولد أعراب وهاهو بري وصلته
وعينــي لعيني عاطــشه والدمع نهــــلته
العين اتحب العين والواحات اكبار وصحاري واوعار وبكاري وغزلان في جوبة سرير
وهاذي قبلي ودوز وهاذية الفوار والجزيرة وطنبار وهاذية الرحمات ودخلنا للدير
هذا الدير الكوخ فيه كتبت أشعار وحبوني الأجوار من محمد معتوق الياخالة البشير
وشموسي يا ماريا ومناخي حار ومناظر تسمار لكن سود وجوه وقلوب نواوير
صحافية يا ماريا عرفتي الأخبار خطيها باسطار خوذي صورة صافية بلاشي تزوير
وفي داخل كتباننا الريم النقار ونعامة واحبار وديمة فيها سارحة ناقة وبعير
وغطي رأسك بسعف الظفار مظله ليك ستار وتحت مظلة غثها مسلوت حرير
وهاذي الصحراء وناسها عربان أحرار ايقولوا للزيار أهلا بيك انرحبوا شايب وصغير
الصحراء اتقولي قاسيه لهلوبة نار وعجاج وزعقار لكن صيفة ناسها خير على خير
ارض قيم وشاهدي تاريخ أنوار تولد كان خيار ودلالة عميان والي كان ضرير
واول آية نازلة في وسط الغار اقرا يا فسار وثاني سورة بقلم بهير
واعظم مصحف نازل بصحراء وقفار على سارح مختار موش نازل على سلطنة حاكم وأمير
قالت قولك حق وكلامك عبار نعم ليكم معيار في الواقع تاريخكم تاريخ شهير
آش تفيد ابناي تسحر في الأنظار من زينه وبلار وآش اتفيد قصور يسكنها شرير
ومحلى زين بلادكم خير وخنار شعث فيها أقمار تونس تبقى ضاوية في عيون الغير
وقالت ضابط موعدي غدوة الأسفار وجبنا عالقطار على معبد مشهورما بين مغاغير
وهاذي آثار سبيطلة شاهد معمار من قوسه واحجار وهاهي منا حيدرة على واد كبير
وقالت شور شمالكم نرجى الطيار باش نقطع الأبكار من طبرقة طيارتي وتبقى على خير
وسامحيني تنودعك عندي الأعذار عندي عرس أشعار تحت جبل الشعنبي نظمت التعبير
بتالة والقصرين خطينا الأسطار وماضي تذكار بسيدي سهيل جعلته
ضوالــــي برماجنـــه عندي سجــلتــه/ نصر بن حامد العوينـــي

فكــوا مــني خــيل شـــــقر ســـــباقــيـن
ومهرة بتــطــــاويـــــــــــــــن وفكوا مني ماريا فارض القصرين

فكوا مني خيل ياعشاق الخـــيل داخل صحرة برنا بساحة الأبطال
امربيها في حمايتي بسهر الليـــــل امعيشها في خير في همة ودلال
وكم اسهرنا ليلنا احرم التعسيـل الشروة زاد صقيعها ليالي نــــوال
املبسها مقدالها وركاب شعيــــل وحاضيها بالعز لهواها ميـــــــــال
وعلفها قوال فني في التفصيـــــــل هو محمد صاحبي من كنا أطفـــــال
واركبناها الزوز بينا سروج تميل ودعست في الميشاف زي فروق غزال
دربزها المحدورجت الهيلة اتهيل اترج أرياح القافية كيف الزلــــزال
والي شبحها قال يا ربي يا وكيل من عين الحساد تحميهم في الحــــــال
بصر الظالم يجعله ماليه دليــــــل وعين الحاسد تجعل عيونه تحــــوال
بجاه كتاب الله وأصوات الترتيـــل بجاه 27 يا ليلة الإنـــــــــــــــــزال..
وما بشرت الأملاك وما نزل جبريل "اقرأ بسم الله" في أول القـــــــــوال
بجاه طه والنور والشورى والفيــل ومريم والرحمان والبقرة والأنفـــال(*)
وودعها لله عالم كل دخيــــــــــل.. وارجع فوق ظهورها واقطع لميـــال
اتقولوا خدم فكرته ودار خبابيـــل العويني مسكين عايش عالاطــــــلال
قولوا امدرب خيلنا بين جراويـــل حسب الكيلو ميترو عشرين كمـــــال
في نخل الرحمات دارت فيه صهيل وشرقي الزيره اصفحت بخيار نعــــال
وقوايمها تباقصوا بيض خلاخيل وعل غرتها ضاوية نجمه وهــــــلال
وجبناها في دوزضحضاح زناكيل وامرازيق بلادنا ايحبو الولـــــــــوال
وامرازيق بلادنا سمر تكحيـــــــل حطبهم جمره شاعلة طفه وبلبـــــال
على الضيف ويتباشروا ليه التبجيل قعدوا في تاريخنا مضرب الأمثال..
عروبة امالي الشايله ومهر محاجيل ركابين أمهار غزلانـــــــــي زوزال..
بن غرس الله قالي عربي تاصـــيل وبن عثمان ايقولي فارس صـــــــوال
وبن سلطان ايقولي ياواد الهــــــيل شرفتلنا خيلنا وهيلك هيــــــــــــــــال
عرفنا قصيدة شايدة كيوسك موبـيل(*) بدوا الغيث اقطر والباقي مــــــــازال
والراعي والشايلة ونجع مراحـــيل- وواد قصيدي هلب طوال ويطـــــوال(*)
حدر جت مجالبة اتشابه للنيـــــــــل وايقبقب في دوز في 7 شــــــــــــوال
تنهد بيها ليلنا في صوت عويـــــــل وحبر الدفقة ساح عالخديها ســـــــال
ورغم اتطول مناحتي والحال حلـيل واتعثرني أحجار سافح الاجـــــــــبال
ورغم البحر وضفته مولاه بخيل وعضوني في ركايبي ثعالب جمــــال
وكسروا المهره الشاحبة في واد طـــــــويـل.. وفي عرس القيروان قصولي الموال
وديمة عرضو سكتي في كل سبيل وحطوا بين مساربي حجره واحبال
وفي السـ..... ظني عندي سند خيــل اتكيت على حيط هسهاسي حثـوال
وظني كانت بكرتي في عز شويـل وظني كانت سهرتي في نجع هلال
هتف الصادق قالي اثرنك قليـــــــل كلمني السباح عل خط الجــــــوال
قالي نجع هلال خشاته جراتيـــــل وافسد الملعوب والحاذق حصــــال
جو هزوا بوزيد وسكروا تحت وتيل وقصوا شعر الزازيه داروه أشكال
وضاع خالك بوزيد مابين زهاميـل وسرقوا انياق ذياب مكــــاس ودلال
وقسموا لحم الفايكه والطبع رذيـــل كلوه وحطوا برازهم وسن الامحال
وجت وليمة خافية تحت الزنبيــــل تحت الليلة الدامسة اشبع الــــــوكال
ولي الله ايكون في دربي قنديـــــل ونور الله اينور كل ماهو ميجــــــال
ولولا نور الله يا ويلي يا ويــــــــل زرع السبلة تنح خلولي القصـــوال
أخبار الحق اينور حتى كان فتيــل والياكل بالحق ياكل عرق حـــلال..
وعيب ايغفوا الحق ايغطوه بمنديل ايتقوا الشمس الضاوية بعين الغربال
وسوم التبرقوي ياسر لا هو قيــــل ووزن الطن بعيد على وزنة الأرطال
غير أوراق الكارطة فيها تبديـــــل اينح السبعة ايحط بقعتها كــــــــوال
والفارس في عصرنا الياكان رجيل اتجيه امحاش اتشوطره تحت الخلخال
وما الخيل الياالخيل نمشي بالتنقيـــل مهرة تطاوين لا يسواها مـــــــــــال ..
دبابية شاحبة والقد عتيــــــــــــــــل بين بربر وعرب ممزوجة الأخصال
أقمار الشعت ضاوية اتناجي في سهيل من بعد الساعتين ضوت رماده وبرها وبير ثلاثين
ضوت وتبقى ضاوية صحراء واهواد وحفلت هي عابره وفي نجوع للبيــد
وصاغي حس أقدامها وقت الملهاد اجلاصيه من ساسها ومن نجع دريد
وتستعجب ما خلق سبحانه الجواد الكامل يخلق كاملة في الزين اتزيد..
وحفلها حفال وعطرها بالــــــــداد تبارق لون لباسها نوار الغيــــــــــد
ونذكر في الشورجبت الواد الواد تحت جبل برورمت وناس اماعيد
ونذكر في دخلتي من فوق جـــواد وسلمت على اجواد رجالة صناديد
وخاطب مهره وزينها الريم العراد وانعاود في قصايدي يا قصر وعيــد
ونتكلم بالبربري ولهجات الضـــاد "عجبيد جماليم جماليمك عجبيـــــــد"
وجيت طاير بمشاعري ودمعي بداد حضني سور قصورها في زمان بعيد
وعمرت قرابيلي بكوثر وقــــــــــاد ميازي وانكب والبارود رعيـــــــــــد
ورصفناها الخيل لا أهجارولا قياد وجت المهرة سابقة على كل عنيـــــد
خمسة وخمسه داقة عين الحســـــاد ترمد عين الحاسدة اتزيد الترميـــــــد
ومهاميز السوء شدولي الأرصــــــاد قطعوا قوس ركابها والله شهيــــــــــد
وحيني ميل سرجها سمعة الانهــــاد رخف أكباس الدير وملص التجبيـــــد
وعثرت قبل وصولها على كدس رشاد وهم الي حطوه بنوايا مقاصيـــــــــــد

وديمة عندي التابعه وتكثر الأنكـــــــــــــــــــاد وديمة ايفكروافرحتي في صباح العيد
وديمة الشمس الضاوية عندي تسواد وديمه وجود القابله يظهرلي نيـــــــــد
وديمة الجمرة الشاعلة ايردوها رماد ايخلوا الطبخة فاسدة قبل التعصيــــــــد
وهم القتلوا الشابي وقتلوا حشـــــــاد وفي محراب الزاوية رقص العربيـــــد
اتقول عاصمة اسبانيا ايقولك بـغداد وعاصمته عراقنا ايقولك مدريـــــــــــد
وناس اطبع طبعها ديمة العنـــــــــاد ايجيبوا ثعلب ماكرة ويقولك صيـــــــد
وهاهو زرعي طاب واحضرالحصاد استاقظت من النوم نلقاه عجاريـــــــــد
وعبيت المطمورخش عليه جــــــــراد ودخل الخنفوس فسدها تفسيـــــــــــــــد
وعيب ايفكوا الصايدة من ايد الصياد وكسروا بعب الصاهلة فيد الصنديـــد
وساس الحكمة اتقولها كان الــــرواد والجيد والجيدة انجال آجاويــــــــــــــد..
وساس المجد ايكون صناعة الأمجاد عل مبداه ايموت عند الله شهيــــــــــــد
وليه الحور اتفرشه بتربة الالحــــاد وفي جنة رضوان عاش ايعيش سعيـد
وأما الدارالشرشره ليه إسنــــــــــاد والتفعل تلقاه عند الله رصيــــــــــــــــد
وانعاود بالقول لقصيـــــــــدي رداد ضاعت مني مهرتي وبقيت فريـــــــــد
عليها ناري شايطه سامروقــــــاد في جاشي في داخلي سامورصهيـــــــد
وبعد الخيل العايبة بفعل الفســــــاد نحكيلك عالسايحة بغصة وتنهيـــــــــــد
مارية جت زايرة وطلبت الإرشاد صديقة نصر وجاية لتونس تحديـــــــــد
بيها جلت برورنا ودرنا البــــــلاد من القيروان وسورها لسيدي بوسعيـــد
ومن دقة وآثارها لجهــــــة رواد.. وسوسة وبلا ريجيا وسيد ي بوزيـــــد
ودرنا تونس كاملة غابة واهــواد انبهرت بحضاراتها في كل صعيــــــد
وبين آثارسبيطلة واتانا إرقـــــــاد اسمعنا في القصرين حفلة وزغـــاريد
وجي عرس القصرين عالموعدها عاد عرس معالم شامخة وسياح تزيــــــــد
وامشارك بالسايحة سمحة الامــــــــــــــــــــهاد - عام 2001 –
وتحت جبل الشعنبي احضرنا الاثنيــــن...
تحت جبل الشعنبي والناس ازحام طبالة ومزمار وحفالي وتنظيـــــم
ونقصوا بنات بلادنا ودورياحزام.. القيت مدينة حافلة والخلق عظيــــم
وفراشيش بلادنا والله أكــــــــرام وليهم طيبة فايحة ماضي وقديــــم..
وفي خلوطي خشيت على دشرة بوزقام كرفت روايح عاطره محلاه نسيــم
وجيت لابس سالوس كحلاوي يدكام وفوق الرأس عمامتي انحب التعميم
شبهة ناسك صيفتي صلاتي وصيام وسايحتي هي راهبة بالله اتهــــــــيم
تحيينا في الله مادرناش حـــــــــرام والحب الرحمان يتباشر بنعيــــــــــم
وموش عيب إن يتصافحوا نصارى وإسلام العيب كانش الأديان يدخلها تسميـــم
العيب كانش في الكون يتواصل الاجرام وعيب البدر وبسمته يغشاه الغيــــــم
خلقنا الله حمام فوق معابد حــــــام وايسبح لله وايصلي ويصيـــــــــم
خلقنا نطفة طاهرة في وسط أرحام وكتبلنا قسومنا حسب التقسيــــــم
واليقسم بالحق ميزانه قســـــــــــــام يقسم بالقسطاس ما ياكل مليـــــم
والي اينحوا قسومنا ايكونو ظــــلام والي ايفك خيولنا انسميه خصيـم
وفكوا بنت سهيل فوق العشره أعوام تشهد بيا رحلتي والله عليـــــــــم
وفكوله دراجة ولدي ســــــــــــلام ويا سيدي سلام ترجمهم ترجيـــم
ويا رجال الصلاح يا سلطان الشام إنشاء الله الدعوة صايبة اتخليه حطيم
بكت حروف القافية وتبكي الأقلام بكت قصيدة صافية مولاها زعيــــم
وسامحيني يا ماريا خشيت أوهــام هزتني الاهتاف نتلاجى مالضيــــــم
عليك شهد لي صاحبي شاعر نظام الميزوني المعروف صيد أولاد عليم
وتشهد رحلة طايلة بتونس هـــــوام عطرتك بالفل وأكرمتك تكريـــــــم
وتوجتك نسرين يا ريمة الأريــــام وفي نابل ريحان شممتك تشميـــــم
وبوجعفر والشط وايعوم العـــــوام وقصر الجم وليلته وفن وترنيــــــم
وفطرتك مقروض في دار الغنـــام وعين حلولة وبيرها وسيدي إبراهيم
وعشيتك بتمور من دقلة هالعــــام واشربتي الحلاب من ضرع خماخيم
ومن بولعابه خارجة عقب الحمام والبستيه لباسنا عذراء وحريــــــــــم
وبدوا لعرس املبسك فوطة واحرام الخلة والخلخال صانعهم حاييــــــــــم
وضبح الخلخال قربع عالاقــــــدام ورنو امعاه شناشنك دارو تنغيـــــــم
وبان احزامك راج من تالي وقـدام الحنه والحرقوس واتاه التوشيـــــــــم
ومشلط خط ازراق وشم ياوشــــــام من فوق الغارات زينهم ترشيــــــــــم
ووقت الخشت حافله فاهت لفــــــام وقالو بسم الله وصلاة وتسليــــــــــــم
هاذية مالحور وإلا من الأحـــــلام يا عويني بالله وين لاقي هالــــــــريم
قلتلهم هي سايحة تخدم الأعــــلام من دولة بولونيا اتسافر واتقيــــــــــم
وانبهرت العباد عرفت ليها مقـام وعاد خلوط الكارطة وصار التنويم
ودارت بي الدايره وذهلت لميام وماهي صارت مهزلة والراي عديم
وفي دوران الكارطة العب الرشام ودلس فيها أوراق حممهم تحميــــم
وخباها الأوراق في اجياب في أكمام وقلبها في الحال غطاها بقديــــــــــم
واعبث العباث زورها الأرقـــــــام ولا فاد الدبار لافاد التنجيــــــــــــــم
وداروا استار لماريا في ليل ظــلام وكسرولي الأبراج لا نفعني ترميــم
لكن هربت صارخة لشوري تسقام وقالت أنت فارسي شاعر وحكيــــم
وأنت راعي البل والخيل والأغنام قليد نجع فراسين وهم ثعالب ماكرة غرقت في الطين
نـــــصــــر العـــــويـــنـــــي
21/11/2001


مــــــاريـــــــا 4/ 1991
من بولونيا لأرض العـــــرب بحر وبر واجبال وسوانـــــــي
ومن فرصوفيا أسفار وتعـــب كرسي الطايره حوتيه وحوانــي

من بولونيا بعثت جــــــــــواب وفيه سلام مالقلب الحبـــــــيــب
وفيه صور نظرتهم شــــــراب يروي عطش في سامر لهـــــيب
وفيه ورود ريحتهم اصخـــــاب فاحوا بريح طيبهم الطــــــــيب
وفوق سطورها قصة عـــــذاب عذاب مريض لقبول الطبيــــــب
وفوق خطوطها رحلة ذهـــــاب وسفرة عمر والمسلك صعيــــــب
وفوق صور منظرها شبــــــاب باقي سنين على وقت المشيـــــب
وفوق ابسامها بياض السحـــاب وصب الثلج للشفة قريــــــــــــب
وفوق سنونها خمر الرضــــاب سكر طعمته منه شريـــــــــــــب
وطلبت وصل من بعد الغيـــاب وطالب وصل صارلها طليـــــب
تأخذ حظها وليها المنــــــــاب وليها الحق تحصيل النصيـــــب
ونبدأ قصتي ونفتح البـــــــاب باب الشعر يسمعني اللبيــــــــب
وماهو الشعر يبغيله ألبـــــاب أكبار عقول منطقهم طريــــــب
وهم اليفهموا جملة أسبــــا ب أسبابي وافره ياسر نصيــــــب
وهم اليعرفوا وسط الضبـــاب ايدلوا الشور للمنه ذهيــــــــــب
وهم لنصرفي عمر أصحاب اينوروا الشمع من بعد المغيب
وهم الخير واصحاب الصواب وهم ايزغردوا بعد النديــــــب
وأما الهم رفاق الـــــــــــدواب حاشى الدابة بعيدة العيــــــــب
انقوللهم لا كمشي أحبــــــــاب يسدوا أوذانكم قولي غريـــــب
وبروا انبحوا نبحة كـــــــلاب وبروا عوقو بنغمة الذيــــــــب
وبروا درسوا طيور الخراب وصبوا الفحم في طاس الحليب
وبروا زينوا ريش الغــــراب وبروا لحنو صوت النحيــــــب
وبرواعصروا الحنظل شراب وقولوا طعمته كيف الزبيـــــب
وبروا ارسموا وسط التــراب وبروا تخايلو الرسم العجيــب
وبروا قطعوا أوراق الكتــاب لي الله يحفظلي المعـــــــــاني
وليه الله عاملي حســــــــــاب يحمي ترعتي ويرفع مكانــي
*****************
ليه الله عوني في العطــــــــل يعون الله يسهال السبيــــــــل
ونرجع بيك في قصيدي انمل ومن تنهيدتي في قلبي عليـــــل
ونبدا قصتي نروي انحـــــل وبالتعديل في الصيف الشعيل
عشية خميس في ظل النخــل وقفت سايحه اتحب الدليــــل
وتبغي اندلها وسط السهيـل اتشوف بلادنا رمله ونخيـــل
وصحراء واسعه مرتع البـل ومجابات حبلهم رجيــــــــل
وتبغي ركوب عالظهرالجمل وشربة درمن ضرع السويل
وصورة غر صفاحي انتعــل اتحب العرس وفراس الخيـل
وجحفة امزينه ومحفل حفـل والنخان بالغت الطويــــــــل
وليلة عرس والخاطر جمـل وكل خليل مشتاق الخلـــيـــل
وبركة ربنا عليه العمــــــل عليه عمالنا وهو الوكيـــــــل
والقصاب بالقصبه هـــــدل طرق الصيد باللحن الهديـــل
وتبغي انياق وهدير الفحــل ومخاليل ونت في المقـــــيــل
ومن عاداتنا بشعر الغــزل وصيف الريم في لحظة الكحيل
وحنه كف خاتمها شعـــــــل ورنوا شناشنه معصم صقيــل
حتى أكلتنا خبزة رمـــــــــل أعداها در في حيرة هميـــــل
وخبزة امطبقه حار وبصـل ايفرج أقتارها لعابي يسيـــــل
عشيقة نجع في اقداله نــزل بيت كرم للعابر سبيــــــــــــل
وماهو نجعنا عقده صهمـل وقت الصايبه اتفكوا العقيـــل
وتبغي ديننا وقول الرســل وحكمة صادقه مسلك نبيــل
وتبغي سهر والراوي ايمل سهرة ليل لن قابل سهيـــــــل
وليلة سهرنا البدر اكتمـــل ومحلى السهر في ونس الخليل
وقطر عسلته جبح النحــــل سال وسال في طعمة إكليـــــل
وتمت الأمنية شراب العسـل رسمنا العش في العصر البخيل
لكن آه حاسدنا ختــــــــــــل وفسد جار بالفعل الرذيـــــــل
وظني الحلم متوقع وصــــل قطع الحلم وبناره كوانـــــــــي
وقعدت حلمتي طابع نـــــزل زي أوشام في غمضة أجفاني
*****************
قعدت طيف في حلم المنـــام لذة ووجع في الدهر الخصيـم
وهاني انقولها نفتح زمــــــام شعري يفهمه كان الفهيــــــــم
واستغفرت من عالي المقــام ايكون رفيق في ساعة الضيــم
ودفقة شعرمن شاعر انطــام لاش اندس في الوجع القديــــــم
ولاش الصمت في وقت الكلام ولاش الحس في الصمت الحكيم
ولاش الشمع في غياب الظلام ولاش الخمر في غياب النديـــــم
ولاش الحرب في وقت السلام ولاش السلم في وقت اللهيــــــــم
لاه البدر يغشاه الغمـــــــــــــام ولاه الفجر ما هبهب نسيـــــــــم
عصر عجيب في ضوه ظــلام صار الذهب نعال البهيــــــــــــم
ولاه علاش يا ولاد الحـــــرام اتنحوا العيش من دار الكريــم
ومنها ندخلوا قصة غـــــــرام يوم خميس في ذكره انهيـــــم
وليلة صيف في برج النعـــــام كان البدر للسهره حميـــــــــم
وكان الضحك في لحن الغرام ساعة وصل في عز النعيـــــم
وهب الفجر في رقة انســــــام وجت الشمس وتقشع الغيــــم
وصبح جميل رفرفله الحمـــام بهرج عرس في لون الكليــم

نصـــــر العــــويــــنــي



























بسمة صفـــــاء اتنزل رزين الكفـــــة

اتــــرد الجنائز زفــــــــــــــــــــة ايشع كيل واينورالقمر في الحفة
بسمة صفاء من قلب صافي حنون من ركن الروح ينعت حــــــــن
لا كيفها مال انخزن مخـــــــزون ولا مثلها ويبة ذهب احفـــــــــن
ولا سعرها مليار لا مليـــــــــون ولا ردعها ملية اسطول سفــــــن
ولا وزنها ضيعات مالزيتـــــون وواحة نخيل جنن بعد جنــــــــن
ولا مال كانك وارثه قـــــــارون قارون بأمواله مشي تدفــــــــــن
المفتون بهواها كما المفتــــــون الدنيا ومن كالحب عليها انجـــن
سيب هواها و العن الملعـــــون وحاذر غواك إبليس فيها سكــــن
أخطاك من حضيض النفس راه سنون وكل سن تلقى في قفاها ســــــــن
ايجي عيب لو كان الخليل ايخون مصدر خطأ داخل مسالك ظــــن
ايجي عيب كان انتبعوا الدبيون ونحفر الفارق في عقاب ادمــــن
ولا يفترسني لسان هو مدهــون بالسم والظاهر عسل وسمـــــــن
الحاسب قصيدي دون الــــدون ايحل السمع يسمع قصيد أيــــرن
مولاه من بدو الحياه مسكــــون بهاجس دواعي الخير ثم ركـــــن
وتفتحت زهرة جميلة لـــــــون ريحة شذاها فاح بين مـــــــــــدن
وبين الليالي للقلم مرهـــــــون رفيق عمر سرنا في زمان غبــن
ثلاثين عام انموج في الملحون حصلت تنوة من عقاب الـــــــبن
وبقيت ريشة في سراب الكون تبحث على مركن وفيه اتكـــــــن
لجت النفس وهزها غليـــــــون لا اعمارها هفت وراض سكــــن
وتبحث على ليلى وعلىالمجنون وحب طهر ما يدخلش فيـــه درن
وسلوة الحازن دمع تحت جفون مسحها كريم النفس ليها حـــــــن
حنين ود صافي داخل المكنـون لا طلب فيها العوض قال ثمـــــن
على الله من ربي طلب العــون ايكون شمع يضوي داجيات اركن
.. ايكون نور ضوه باهـــــــــــر في الخافية المتغطيه والظاهــــــر
نظيف قلب من داخل عفيف وطاهر لا في الضفائن على عدوه اشفـى
وعلى من ضفائن خوه سيفه شاهر يحفر ومحصر له بظلام الرفـــة
لا أحفر تحت الليل للتعثيـــــــــــر عثرات في داخل غرقها شـــوك
ولا من ايقطع في السهل حريـــــر وتزرع الغام الشر للكرهــــــوك
المقبول عند الله صافي ضميـــــر والأديان مجله كالصفاء وصوك
ولا تروح لا ترقص على البندير وعازف ايقاعه مشتهرصعلوك
ولا أرقصت أرقص على نغم الطير وباشر أنوار الفجرلا عرضـوك
ولا شديت غني غنوة عصافيـــــــر لحن الوفاء وأهل الوفاء سمعوك
وسير يا حبيبي في حياتك سيرة عزيزنفس لا تعناش بالهانـــوك
وفي الصبح قوللهم صباح الخير اتكون خير منهم رغم كل شكوك
وحاذر عثرة في غرق البيــــت وشد في المتيــــــن الله لا دزوك
أرياح الحياة فيها كثير كثــــــير.. وكل عاصفة فيها كثير شبـــوك
وصالح وطالح باهي وشريـــــر ومرحل زيد الشك والمشكـــوك
ومتخلطة قندول تحت حريــــر والفخ داخل مسربه مدكـــــــوك
حاذر العثرة وضربة التكسيـــــر وسيب بلاهم عاف كل دعــــوك
وصافح كريم النفس قلب كبيــــر وجاوز خطاهم لاحظو عضــوك
ولا نيش كامل في الحياة دبيـــــر ولأني مناره في ظلام حـــــلوك
ولاني علم بين البشر شمهـــــير لكن جميل الخلق سمح سلــــــوك
وناقوس طير سكرة السكيـــــــر اينح الغبش عالوذن وقت حروك
وصدار منطق حق لا تزويـــــر ولا ضحك أصفر بالدنس مدهوك
وقو ل مرحبا وأهلا بكلام عبيـر انقولك نعم أهلا ويرحم بـــــــوك
وهات الصراحة وبالصراحة شير المخطوط والمقلوب لا يفيـــدوك
وخلي ربيع العمر بينا اينيـــــــــر لاش الحياة لو كان ماني خــــوك
لاش الحياة ومسربهـــــــــــــــــــا لو كان فينا امزرعة عقاربــــها
ولاش ما ضوينا الشمس في مغربها ونشعل شموع الحق لا تتخــــفى
ومبداي في حياتي الحياة نرغبهــا عوض الدنس ناخذ طريق العفه
مبداي لا نحمل دنس أحقـــــــــاد ومبداي دايم ود لهل الــــــــــود..
ونقرأ سلام الود للميعـــــــــــــــاد مهما جفاني الخل بي جحـــــــد
ومهما الزمن جاير علي نكــــــــاد داخل أرياح القدر ثمـــــــــه حد
ونرقد ضميري ارتاح فوق وســاد ولا يهمني في الي كفر وارتــــد
ننشد على أهل الغلاء نشــــــــــــاد عليهم سلام القلب قبل اليــــــــــد
طير قفر متعلي على الاسنـــــــــاد ومحال ما نعناش بالي افســـــــد
بقت كان ذكريات ليها اشهـــــــــاد عنونتها بالحبر لون أســـــــــــود
اذكرت وقت السرت جبت الــــواد لشور حصن عالجنبه وقفاه انهد
عالصبح راكب فوق ظهر جـــواد قاصد خليله امعطره بالنـــــــــــد
وفي حضنها شميت ريحــــة دادة واصخاب فوق خلالها تعقـــــــــد
مهره وسمت عالخيل يوم عنــــــاد برتعه نظيفه من جدود الجـــــــــد
وكيف عثروها داخل الملهـــــــــاد شدت بعون الله بيها شـــــــــــــــد
وسامحتهم واصفيت هاني عــــــاد امسامح وما نحملش عيب اضــــد
وخيل المضت من دهر ماضي باد عثرت بفعل وقلب فيه حســــــــــد
بقت شاهدة تحكي على الأمجــــــاد العربي وعز خيل يوم الجـــــــــــد
وادي القصيدة وريحة البــراد تايه على الجمرات ليهم قمر وقـد
ونز القلم يحكي قوافي الضاد لغة عرب وأعراب "أ ب ج "
يشهد عليها الشر ق ما لا جداد.. وشاهد عليها الغرب ليها شهــد
وشهدت عليها ماريا والأرياد وحتى عفسها جعل تبقى نــــــه
وتبقى مثابة شعر لــــــــلرواد جبح النحل يعطيك كان شهـــــد
تشم ريحها تلقى عبير أعيـــاد وريح عطرها عطر أرياح بلـــد
اتشم ريح فيه صفـــــــــــــاوه وزايد على طول الزمان تقاوى
وعند الحسيب أفعالنا تتسـاوى ويقبل المولى كل ضميراصفـى
وباقي أصنا الشر تاتهاوى وتقعد أفعال الخير ما تتوفــــــى

نصر بنحامد العويني
قبلي : 12/04/2002