lundi 25 août 2008

رحـــــلـــــة مراســــــــيـــــل


رحـــــلـــــة مراســــــــيـــــل
أو طيـــور الورشـان والصقــر

.. أردت تقديم هذه القصيدة لتوضيح عدة جوانب فيها.. فالقصيدة ليست من النمط التقليدي اللهم في البناء الشعري أو الصياغة الفنية . أما المحتوى فهو يتخذ أسلوب المغامرة الجميلة . إذ تتجول بك المخيلة عبر الأماكن وأيضا مع الأشخاص الذين لهم علاقة حميمة بالشاعر.. ابتداء من الحبيبة وصولا إلى الأصدقاء.. وأيضا تحكي حياة هذا الشاعر وحسه الفني والثقافي..
صحيح تتخذ القصيدة منحى غزليا. ولكن ذلك الغزل النظيف المشحون بالإحساس لا بالوصف الإباحي.. – ومن الأساليب المستعملة عند الشعراء والفنانين إرسال أو سؤال الطائر عن الحبيب.. ومن هنا سألاني زملائي الشعراء: هل أرسلت طيرا للحبيبة؟ وإن لم ترسل أو ليس لك طائرا سنعيرك طيورنا .. وبشكل الدعابة المرحة قالا هكذا: وكان مايلي !!..
طيور الورشان هم نوع من الحمام للمراسلات.. غير أنني اختلفت وكان لي طيرا من الجوارح هو طائر الصقر أستعمله كذلك للمراسلة بخلاف الصيد: أحيانا أرسله إلى الحبيبة أو إلى الصديق. وأحيانا إلى عمي بهولندا وكان الصقر في ذلك الوقت عند عمي بهولندا. ولما استعرت طائر الشاعرين المذكورين وأرسلتهما إلى الحبيبة بأقصى الجنوب كان الصقر قد استأذن من عمي للعودة إلى تونس في شوق كبير لصاحبه. وانطلق في رحلته من أقاصي أوروبا. حتى وصل جنوب تونس وبالتحديد مقر إقامته وإقامة صاحبه. ولم يجد سيده فبقي يجول الأماكن التي تعود الإرسال إليها ولما لم يجده قرر زيارة حبيبة صاحبه وانطلق إليها. واستقر عندها حائرا معها عن حال ثالثهم وأين يوجد؟ وفي تلك الأثناء يصلا طيور الورشان وتحدث المفاجأة في أبهى صورها.. أترك للقارئ لذة الاكتشاف. ثم إن هذه القصيدة تحكي شيئا من واقع حياتي. وتحكي تجاربا عشتها وأوضاعا تعاملت معه وما الحياة سوى مدرسة تؤديك من فصل إلى آخر.. مع التذكير أن القصيدة ليس بها خيال ولا رمز ما عدى الطيور التي.. صغناها مثل أساليب السلف في المراسلات. أما الأسماء والأماكن فإنها واقعية.. رحلة مغامرة من قصور الساف. من هولندا. من الرحمات قبلي. إلى تطاوين ثم العودة إلى قصور الساف: بالمهدية. أترك المجال للقارئ.
نصـــــر العـــويني الزهراء المـــهـــديــة
نصـــر العويني الرحمات قبـــــــلـــــــي
الهاتف: 98530758












بــســــم الله وبـــه نستــعيــن
والصـلاة على الـبراء الأمـين

طير الورشــــــان بالله توصل لمـــــــــــرادي..
عيون الغـــــزلان لريل رتاع الـــــــــــــــوادي..

طيور الورشان نبعثك مني مرســــول وقبل عالطول واقطع رمروم رقاريــق
فيسع جناح تقطعها فيافي وفلــــــــول وادشر وريف ومداين عل كل طريـــق
زارب حوام عمالتك عالمولى المــول.. هو اللا ينام وهو لكل خلق رفيــــــــــق..
وهو العلام بحالتي راني مشلـــــــو ل.. وقصير جناح وهو الي ايوسع في الضيق
وهو الرباح للخاسر يخلف عالطــــول جبير المكسور العظمه متدقدق دقديـــــــق
وهو الفتاح لكل باب مسكر مقــــــفول.. يرمي المفتاح ويفتحها أبواب مغاليــــــق
نشكي باجراح للعالي عليم المجهـــول امسطر للواح عالم ما امدرق تدريـــــــق
والريق اشياح وجمري مالداخل مشعول مقابيس النار دايره في الجاش حريــــــق
وساهرسمار سارحه أفكاري عل طول.. وحاير محتار مالقيتش دبار حقيــــــــــق
وصار الي صارامقدر مالربي منــــزول مخطوط اسطار امنزلي فيها مواثيــــــق
اتراه يافضاخ طيرك الزارب مجهول.. ماك تشكر فيه خاانديره هالدالة رفيــق
وايخش فلول وفيافي ومعاها فلــــــول.. ويوصل مخلول ليه مشوق تشويـــــــــق
لابعث جواب منه لا جاني مرســول.. ولاهاتف صوت نسمعه بكلام رقيـــــــق
وطيرالصديق ظني كي طيري مقبول.. واتحبه الناس وجهه باشر للتبريــــــــــق
وطيري يا خوي ليه مدة عني معـــزول ساكن لاهاي هولندHolland وفارق تفريـق
عند المبروك عمي الي يخدم مسؤول.. وقاطـــــــــعها برور وبلايص عالرجل اتعيــــــق
وطيري ياخوي برني صحراوي مقفول قطاع برور لاحق لا ايخاف التلحيـــــــــق
قطاع فــــــجـــــــوج وين اتدزه ســـــــقادي...
تلقاه ايلـــــــــــــــوج ما اتكيداشي الأبعـادي..
طيري يا طير برني عربي بوكنبيـــــــل عينه رادار تشبح ماللوطه للفــــــــــــوق
ويخبر الاشوار وايغامرفي ظلام الليــــــل لسريان الليل يخرج متقي مقـــــــــــــلوق
موش بيه الخوف لكن ستره لكل خليـــل وحامل لسرار امخبيها عل كل عــــــقوق
ايخاف الحساد والعبد الماهوش رجــــيل ايخاف القواد ماهو من ربي عيــــــــــوق
وطيري سفار يا خويا لكل مراسيـــــل.. اتهابه لطياروتهرب منه كيف ايتــــــــوق
وما يخاف أخطار ولا يعرف كلمة تعطيل ركاب سحاب متعلي من فوق الفـــــــــوق
وتوه في غياب في أوروبا طول تطويل ليه عشراشهر ما تركه عمي مطـــــــلوق
وسلفني الطير تا اندزه يوصلي خليـــــل أني حالي حال حال المنحاله مقــــــــــلوق
وحالي سهران اناجي في القمرة وسهيل مالقيتش حل بابي ياصاحب مغلـــــــــوق
ايحله السبحان هو على المخلوق وكيــل وهو المنان وهو نهاض المشـــــــــــروق
وتنهز الطير ما يبطا شي وقت طويــــل باقدار قدير ايسهله ثنا يا ومــــــــــــــــروق
وفي الحين ايعود على الله جايبلي مراسيل من ريم الهود نقراش الحولي المطقــــوق
في الحين ايطــــــــير يوصل مناي لغادي...
ماك قلت خبيــــــــر.. خلي اندزه لهوادي...
ماك قلت خبير خله يتملص في الحـــــــــــــــــــــــــين ويصعد للجوعلى الله ايسافرمضمون
خليه ايروح يعمل وصله لتطاويـــــــن خله حواس لاش هكه شاد الزيتــــــــــون...
اقلق ما للبحار وفد من ريحة السردين خليه ايروح لصحرتنا في جو صخـــــون..
وتو شكرا ليك كيف درته ليه تضميــن اندزه لعيون وعيون اشتاقت لعيـــــــــون..
لكن كي شاف صورتي والحال ضنين قالي انت امنين قولي ياولد اشكـــــــــون..
قلتله طواف من جربه حتى لجوميــن ومن بر الكاف لذهيبة لشيرة عمـــــــدون
امعاشر لولاف الغنايه باصوات رنين وبيهم نشراف عزوني وبيهم مرهـــــــون
وفي قصور الساف وين تلقى صفوف زياتين غربيها أرياف كن فيها بوصدر حنــــــون
وطبعي جوال عربي داخلها صحاويـن وفي كل أعمال كل مره نظهر في لـــــون
ومؤمن بالله وكتاب الستيـــــــــــــــــن ومسلم صدوق أني جدي مصباح الكـــون
بصلاة الله عل سيدي الصادق الآمين صلاتي وسلام عده مليار ومليـــــــــــون..
ونرجع بالقبول سطرته من سين وعيـن ومن كاف وقاف و صاد ودل وميم ونون
وجايب الأشعار منظومه حرف وحرفين قصيد المردوع رتبته حرفه مـــــــوزون...
وشاعر نظام عالسطر انرقص سطرين مخطوط أرقام عجنته جوهر في اللــون..
قالي مشروط أني و طير الصاحب لثنـين قلتله معقول رفقه والعالي في العــــون./.
قلت معقــــــــول... رفقه خير من فرادي...
درتك مرســــول... طاير في ا لبر ايدادي..
..قالو أهلا بيك اشرفنا بكل خو حنين- أعطينا لشوار بخريطه والكان يكـــون
ووصف توصيف في توصيفك كون كهمين وصفك مظبو ط للي في حبه مرهــون...
قتله هالريم صيفة رتاع صحاويـــــــــن اتفوت التوصيف توماك تراها بلعيـــون
وهاذي الأشوار وطير الصاحب ليك قرين لقابس يعرف و الباقي لا يعرف كـــون..
قابس واتفوت اتجي مارث بعد الزركين بين زوز ادشر تخطم من فوق الزيتون..
و سيدي سلام ولي صالح يفزع في الحين ويحي بركات ايبارك سفرتكم مضمون..
وبعد عرام رد بالك مالصياديـــــــــــــــن اتعلوا للجو ولا اتخافوا حب البلـــــد ون
وطول مع الشور لن توصل دشرة كوتين امسامي تجبال ديمه على ايمين القدرون
وتلقى بنيان هذيكه مدينة مدنيـــــــــــــن خلوها طول للقبلة وربي في العـــــــون
اتشقوا عالبير وخوي اللوطه مقرونيــــن علاش اعسس يستركم عطاف حنــــــون
وهدفة حنيات توصل بلدة تطاويـــــــــــن ريحة لحباب ريدي بوسالف مقــــــرون..
غربيها أرياف لجبال الي مقر ونيـــــــــن خطوه عالواد الي فيه رباط الزيتــــــون..
اتشوفوا خزان وزوز جوابي مدهونيــن ابياضوا بالجير زي قلبي بحبه مدهــون..
تلقوا كمرات تحذيهم كرماية تيــــــــــن طلوا مالحيط وصلوا عل مصباح الكون
واذكر الآيات سبح والكرسي وياسيــــن ولا اتهزوا الصوت ولا اتقولو شعرالملعون
ناس حشامين وحزاره ايخافوا مالعيــــن وعين الحساد يجعلها مااتحل جفــــــون..
عيون الغزلان بدع ربي تصوير الزيــــن تو اتشوفوا الخلاني بحبه مرهــــــون..
ووروها جناح مكتوب بالأخضر خطيــن تو تعرف باعثكم منه وآش كــــــــون..
احكولها عالحال وتو يالله طيروا لثنيــــن في امان الله الحافظ من انسي وجنــون
وطاروا في الجو وميه لن غبيوا عالعين وهاني رجاي وشوقي يتلاهب غليون
هاني ترجيـــــــــت... حارم زادي وارقـــادي...
ومدة ماريــــــــــــت طيري البرني ومرادي..
نرجع من ثم للبرني القاطع الأبــــــــحار ساكن لاهي قدا عمي توليه شهــــــــور
حيني راجاه تيروح لتراب الـــــــــــدار اشتاحش مولاه الشاعر كنه عليه دهور
بعد الوصاه سلامي عل بر الفـــــــــوار.. صحاري الواحات تراب أهلي وكري المبرور
ولزهر والذر وعل جملة ناسي لحـرار وعل نصر سلام من قلبي امفوج بعطور
وقاله في الخير وخططله جناحه بحبـــار وطلقه وخلاه جي امسحب فوق المرمور..
في البر خبير يعرفها سواهل وأوعــــــار امدرب عالغيم عنده كل مسرب مخبــــور..
تملص في ليل خايف لا يشوفـــــه رادار... أقمار جواسيس لا تضوي لا تعطي نــــــور..
وآش جاب أ قمار لأقمار التتبع لشــرار.. صنع الكفار الي خلوا العالم مذعـــــــــــــور..
أما الأطيار باريها ا لرب الستـــــــــــار بشيرة بشار للحاير في كل بـــــــــــــــرور..
ورحله في ظلام ينده ما يعنى باخطـار لاعرف تعب لا مريض ولا هو مكـــــــدور..
من نص الليل حتى لن بهرت لفـجار.. قطع بر الروم وبحر المتو سط في الشـــــور..
ودخل وطن برأهله وتربة الأوكــــــار.. يسمع في الصوت الله وأكبر في عقب سحور
صلاة السباح للقايم ثابت لذكــــــــــار.. وقف في القيروان بحيط جامع عقبة عالسـور
والشمس ضوت صعد عند للجو وطار مشوار خلط لبرور سواني وجــــــــــــــــرور..
وصحراء تكبار وين تلقى الريم النفــار وفيها واحات جنه للي جاي أيـــــــــــــــزور..
شكر السبحان مولانا عالي الاقدار.. كي وصل بخير شكرا يا عالي مشكــــــــور..
وصل الرحمات اعمل حومه قدام الدار وللشجره طلع قعد يرجى نصر تيثــــــــور..
ايثور من النوم ساهر وايخطط لشعـار لكن تعجل مشوق فارح مســــــــــــــــــرور
اشتاحش مولاه وقتاش ايشوفه بلنظـــــــــــــــــــــــارعليه ايسلم ويعطيه جواب المسطــــور..
توه لحداش واخباره الشاعر ما ثـــــار.. زعم موجود والا زعم راح أيــــــــــــدور..
نشد اللجوار قالوله سيدك سفــــــــار.. توه شهرين لا من عارف ليه بــــــــــرور..
وبرني مقلوق متحير فكره محتــــــار.. مشي للحمام عله راه بواد النــــــــــــــــور..
ورجع حزين غرب الصحاري الفوار.. مالقاشي ثم استظهر للبر الممطـــــــــــور..
ووصل الكاف انشد عنه ثمش ما زار.. كالعادة رجع لقبلي وفكره مكـــــــــــــدور . .
قعد ايخمم مولايا أخبا ره كـــــــي دار يا والله حال يا ربي اتدل على الشـــــــــور ..
قال تطاوين نلقاه قدا دار أقمـــــــــار عشيق ومعشوق لازم ليها راح أيـــــــــــزور
.. وعاند الأطيار وقبل قاطع كل أقفار.. المسرب درباه من بكري عنده مخبــــــــــور..
ووصل لبر غاشيه عبير النــــــــوار.. هالوقت ربيع وغزاله في الروض أيـــــدور..
وطل من جبل عرضاته مدينة تكبـــــار.. مدينة الاولاث غربيها الريف المشهــــور..
وقف عالخزان وهفت فوق حيوط الــــدار شبحاته قات أهلا بالود المبــــــرور..
يا مرحب بيك نصر كيف حاله كي صار مده تطوال لا جاني منه منشــــــــــور..
قاللها كيف نصر موش عنـــــدك زوار؟؟ وأماله وين زدتي ذهبتيلي الشــــــــــور
جيت من لاهاي هولندا في ظهر أبحـار وصلت الرحمات قالوا غايب ليه شهور..
وحومت عليه بر تونس ماراته انظـــــار قالت له حق وانت عل تعبك مشكــور..
بغصه دموع سكابه من تحت اشفــــــــار قالت له ارتاح عله صاحبنا معــــــذور..
أما بكلام في هاتف يعطي لخبـــــــــار.. والا في جواب منه بالخط المخضـــــور
وقعد الطير يترجى في دار أقمـــــــــار.. وحاير محتار مع ولفي ريمة القصــور
قاعد ثميـــــــــــــك.. يرجى هو ومــرادي
برى وانجيــــــــك.. ونصر نومه سهادي
برى وانجيك نرجع لطيور الورشــان كي خرجوا الزوز طاروا يا ربي طمنا
وشقوها برور غابة وادشر وبنيـــــان ملولش فوت جبينيانه خلوهـــــــــــا منا
وصفاقس طول شقوها وفاتوا يا فلان قابس في الحال وقالوا القدرون ايوصلنا
وحاموا تحيات في ضريح صحا بي ليه شان حجام السيد شفيع الأمه في نهار الغنــه
وصعدوا للجو قطعوها اجبال ووديان فاتوا مدنين وعل بير اللحمر واركنـــــه
ووصلوا في الحال لمدينة زينة تزيان هي تطاوين من فيها لنا يستنـــــــــــــــى
وغربيها جو لن بان اقبال الخـــــــزان وجوابي بيض شبهه للوجه الشاغلـــــــنا
وتحته حوشين كمرات ايقابل وايبان هاهو الحوش وشجرة كرموس اتقابلنــــا
وقفزوا عالحيط خرج برني مابين أغصان ..وسقم في الزوز ضرب طيح لول ما اتهنى
والحق الطار صعد كيفه شامخ لكوان ما بين سحاب لحقه وباقي مانع مـــــنه
وعيطله لا ه! سيبني مرسال ضمـــــان لاني غوار لا جايب شر اليرهنـــــــــــــا
وتبرموا الزوز شبح طيري جناح الورشان.. مكتوب أخضر عرفه خط اليبحث عنـــه
قال له يا طير عهد الله وعليك آمـــــان بعثك مولاي خط شاعرنا نعرف فنــــــــه
نصر معروف العويني ناظـــم الأوزان وانحوم فيه وين بره وهاني نستنــــى./.
اطمان الورشان هبط حيني وقال له يا فلان للجامع زوز فوق راس الصمعه وطمـــنا
وفوق بيت الله عاهد وشهد الرحمــــان لا ايمسك سوء مادامك جاي من أهلـــنا
والبرني احشم تعذر له ايسامح عالكان غلطه واتفو ت سامحنا يا سمح البـــــــنه
ورجعوا في الحين بسلام حنانه وحنــــــان وقالوا جايين من نصر وهو الراسلنـــــــا
من قصور الساف صاحبكم عايش في آمان ما بين ايخوت مطمان وهكه قالنـــــــــــا..
وعايش في خير بين أهله وجملة لخوان الكل حبيناه صار لينا بالمعشرلنـــــــــــــا
واتقولو ا جنوب رحاب بكل الضيفــان ضيافه بحروب بالباطل ناوي تقتلنـــــا
عرضتونا حروب وآش درنا يا غصن البان هالبرني لاه هاش درناله هكه يعاملنـــــا
قالت لا موش قصده واحد ينــــــــــهان بالله سامحوه هو طيب كي ريح الجــــنه
ويحمي الأسوار مالغاشي والا العديان وانتم جيتوه في غفله دخلتو لركــــــــنه
واما المجروح داواته مهره بحنــــــان.. اشفي من الله وربي يشفي العز بجنـــــه
ونشدت لطيار كيف حال العاشق ولهان كيف حالي تو والا ما حاله شاغلنـــــا
قالوا مشتا ق واقري ما خط الفنــــــــان قصايد وحروف بدموع الهجر وقالنا
اتهزوه سلام قدا ولفي ريم الغـــــــزلان وجيبولي أخبار منها بالخير وطمنــــا
وصلنا سلامـــــــه وتو تنروح لبلادي
ونرجع بسلامـــــــه وربي ايثبت ميعادي
..هي قات ارتاح غدوه فيها تدبيـــــــــر قالو ا ما ايجيش الضايف تمم في أيامه
ووعود الحق راني وعدته لا ايحيــــــر لاش التوخير نبدأ واحل في ملامــــــه
اتوصيش كي خطيها تسطيــــــــــــــــر رانا معاجيل طولتينا في مقامـــــــــــــه
قات على الله ربي عنده مقاديـــــــــــــر ايسهل ما اصعب ايقرب ريحه وأنسامه
قولوله بخير قتلها كان التفكيـــــــــــــر في وجهك طول بين الوقظة ومنامــــــه
وتبغي زيارات منك لاهو مالغيــــــــــر راو طال الميح خفت انولي في ندامــــه
وتوه لثناش نص الليل بتقديــــــــــــــــر خله مازال امهود طواح ظلامـــــــــــــــه
وفي الصبح خروج ايواتي حق التظهير قاللها.. لا.. الليل انحبه با وهامـــــــــــه
والبرني قال لزم سفرنا تسحيـــــــــــــر معاهم سفار انخش الداحس وغمامـــــــه
اشتقت لمولاي شايش والشوق كثيــــــر راه رجاي ساهر كابر تخمامـــــــــــــــه..
وشاهي ملقاي عنده خلوطي عيد كبيـر نبدأ فرحان وقت النوقف قدامــــــــــــــه.
قالت له تو بنفوحكم بعبيـــــــــــــــــــر.. وانخط جواب مني وقلبي وأ حلامـــــه .
ولا اهداك الله قدا نفزاوه تدويـــــــــــــر علاش ايعود عاشق نخله وخيامـــــــــــه
قال الورشان حدد بيك ا لتفكيــــــــــــــر في الساحل طول قرب بحرنا وأ نسامــه ..
هيا عل خير سلامه تبقي عا لخيــــــــر رانا معاجيل صار المشوار بعامــــــــــه
بعد الساعتيــــــــــن سلامه يا بنت الوادي
واحد واثنــــــــــــين شبوا ظهره سقــــادي..
.. الساعتين ونص خشوا الداجي وادماسه والليل طلس تناغو كان النجمــــات..
حالك ودمس نامو ا حتى العساســــــــــه هود دلهس أسود دار غلافــــــــات..
لا تسمع حس العا لم غارق في انعاســـه والبرني لس قال انجيبوا الرحمــات..
عله مولاي طول واستاحش ناســــــــــه وايروح جاي ماهو عنده حكمـــــات..
قالوا وراشين فكرك ضايع كمباصــــــــه في الساحل طول عاشق بحر وموجات..
من غير تعب رانا مانا حواســــــــــــــــه لاش التطويح اتزود بينا مسافـــــــات؟
قاللهم تو حيني انقصوا قصاصـــــــــــــه احني رانا طيور لينا هفت جناحـــــات
واعطوه الطوع والبعضاهم وناســــــــه قصوا الأشعاب جو لبر الواحـــــــات
وعل شيرة دوز بر الشعر ورياســـــــــه وهاذي الرحمات بلاد الشاعر بالـــذات
هاهي الدار هيا انحطوا بسياســــــــــــــــــــــــــه.. علاش اهني ساهر ينظم لبيــــــــات
وطل مالشباك ما يلقاش الكــــــــراس.. لا النجمه ثم ولاثمة النصريـــــــــــات..
وصعدوا للجو الواحد كاسهام رصاصــــــــــــــــه ثلاثه صواريخ ايموجوا فوق سحابات
في طلوع أفجار قصواالبرعلى ساسه هذي قصور الساف وها..منا الحسينات
وجو للزيتون البرني يفهم برباصه حطوا عالكيب عند طلوع النجمــات..
و الفجر بهر و كلاب الحومة حراصه.. زعم وآش ثم نبحوا ياسر نبحـــــــات
استاقظت انشوف نغسل وجهي مالطاسـه نقزلي طير رفرف فوق الشعـــــرات..
بين وقظة ونوم نلقى طيري بهماسه البرني سلام ريشه فيه عطــــــــورات..
افرحت بملقاه بسته بوسه من راســـه.. اتحضنته طول محلى عليه الريشـــــات..
ايرفرف جنحيه ليه ظرافه وكياســـــه.. صديق الحيران ساعي كامل صيفـــــات..
وهو فرحان علي ىسلم بحماســـــــــه معاه الورشان طيور الخير حمامــــــــات
البرني فرحـــــــان قال لقيتك يا غـــــــــادي..
تو ليه زمــــــــــان انفتش حالي موش عادي..
قلتله يا مرحى أهلا يا أعز أحبــــــــاب يا وجه الفرحه كيفك دمعي هطالــــــــــي
كيف حالك كيف يا قرقاب على سحــاب؟ وحال المبروك الي في الغربه طـــــــوالي؟
قالي في خير وهاهو منه لكتـــــــــــاب ومن بنت أقمار اسماها بنت الخيــــــــــالي..
والناس بخير جملة الأهل والأصحاب. لكن بالله نصر رجع سؤالــــــــــــــــــــــي؟
تحيرت عليك خيرك ساكن في أكياب؟ والفرش تراب أغطاك أ غصان الشمـلالي..
قتله خليك توه بعدين جـــــــــــــواب... وأعطيني جواب نقرأ حب اليحـــــــلالي..
ومد جوابين شفت سلام الكتــــــــاب.. واقريت حروف فوق استان من غـــــــزالي..
ويحكوا الورشان عالماصاير واتعاب وعل يوم عراك حتى في الجو العـــــــــــالي
وصفيت لقلو ب إذن الله الوهــــــــاب لثرنه أحباب طيرك ولد أصل ايصـــــــــا لي
اغلطنا واغلط ولنه برني على صواب تعذر واحشم ايكبر قدره طــــــــــــــــــوالي..
وتوه يلزم راه الصاحب رقـــــــــــــاب.. وراه ........ يرجى طيره وزوالــــــــــــــــي
ورجعوا في الحين لحومة الأصل ولقراب شكرا يا فحول طيوركم جابوا ما غـــــدالي..
والبرني نشد !! تسكن كيب مع كلاب؟ يا القصة كيف ماكانتشي عالــــــــــــــبالي؟
وخبزك يابس وداير سطله لشـــــراب اعداك الفقوس وانت كانك بوهــــــــــــالي
ياخي محقوق ظني فارغ لجـــــــياب؟ قلي كيفاش؟ ايحير حالك يا غـــــــــــــالي؟
ياخي لحباب لامن فيهم ينصــــــــاب؟ عنده ...... لامن فيهم زوالـــــــــــــــــــي..
لا ثمه خير لا في لهل ولقــــــــــراب.... ولافي لصحاب تف على الدهر البــــــالي..
كي الحسينات كي رحمات اللسهاب.. لا ثمه خير لا في لول لا التالـــــــــــــــي..
الوقت القواد شاعريسكن في اكياب واكلاب الشوم تسكن في القصر العالـــــــــي
هذا قانون والا عداله في رحـــاب؟ هذا قانون حالك ليله ما ضـــــــــــــــــوالي؟
هذا قانون فيه العاب اللعـــــــــــــاب هذا قانون لخبط حبلك واحبالـــــــــــــــــي..
الشاعر مغبون ولى قدره كالــــــــداب وحتى الكلاب ليها لهل ولمالــــــــــــــــــي..
..واك يا مولاي جوعك ذبل لـــــهذاب والناس اشباع وتسكر سكره زطــــــالي..
..اتراه يا مولاي تسمح نطلع جــواب؟ نصطاد حجل انجيب فطورط يا غالــي.
..راني صياد فوق الصيده صــــــواب ونخدم مرسال انحبك بركه ترضــــالي..
قتله مشكور نحمد ربي النـــــــــــواب خليك ارتاح لنك سهران ليالـــــــــــــــي..
وانت يا طير لايم ال أخو ه لصحاب ما عليهم لوم لوم على الناس قبالــــي
من كلمة قال.. وقال وقال الكــــــذاب ومن هاه وهيه هاهو الباهي بوهالــــــــي
مشينا طشان بين ربا يض وا شعـــاب عشنا همال صارالواقع كي حالـــــــــي..
........ معذور راه عسله في أكـــــواب.. والطبع كريم حاتم في الدهر الخالــــي
............ خوه جيد من عز أنســاب.. هانوا لطيار مراسل في الفج الخالــــــي
وخا انعدوا الصيف بين نسيم الهبهاب عل شط بحربحر المهدية المالـــــــــــــي
صحرتنا حر يشعل سامر لهـــــــــاب هربنا من ا لبر شهيلي ديمه شعالـــــــــي
والكل وطن ذهيبه ومجاز البــــــــاب .. قبلي والكاف وطني جنوبي وشمالـــــــي
كانه خصاب والا ترابه مـــــــــجداب ترابك يا طير وطن غوالي وغوالــــــي
ونصر ينظم جاب قصيده رتـــــــــاب ونختم بالقول صلاتي عل سيد رجالــــي
صلاتي يا طيـــــــر صلاتي عالجدي الهادي
نبينا البشـــــــــــــير شفيعي يوم الصــــهادي

نصـــــر العوينـــــي
شهر سبتمبر 1993

Aucun commentaire: